SALAMO 85 - Tuvalu Revised Bible

Ko te 'Talo mō te Manuia o te Fenua

1Te Aliki, ko oko eiloa tou alofa ki tou fenua;

Ne toe fakafoki ne koe te manuia o Isalaelu.

2Ne fakamagalo ne koe olotou agasala,

Ne 'solo foki ne koe olotou mea 'se katoa.

3Ko fakagata tou kaitaua ki a latou,

Ko palele atu foki tou ita malosi ki a latou.

4Te Atua te motou fakaola, toe fakafoki atu matou ki a koe,

Kae fakagata tou se fiafia ki a matou!

5E a, ka tumau faeloa tou ita ki a matou ki te se gata mai?

E a, ka se gata eiloa tou ita?

6Fakafou ake te motou malosi,

Ka ko matou tou fenua ka 'viki atu ki a koe.

7Te Aliki, fakailoa mai ki a matou tou alofa tumau,

Kae aumai ki a matou tou fesoasoani o fakaola matou.

8Au e fakalogologo ki muna a te Atua;

Me e aumai ne ia te filemu ki a tatou tena fenua tonu,

Manafai ko se toe foki tatou ki o'tou faiga va'lea.

9E tonu eiloa me toka faeloa a ia o fakasao a tino kola e ava atu ki a ia,

Ka ke tumau tena fakaola mai ki te tou fenua.

10A te alofa mo te fakamaoni ka fakatasi,

A te amiotonu mo te filemu ka olo tasi.

11A te fakamaoni o te tino e fanake ki luga mai te lalolagi,

Ka ko te amiotonu a te Atua ko fanaifo mai te lagi.

12E tuku mai ne te Aliki te manuia ki a tatou,

Mo te tou laukele foki ke fua 'lei.

13A te amiotonu e fano i mua o te Aliki,

O fakatoka te alatu mo ia.

Blog
About Us
Message
Site Map

Who We AreWhat We EelieveWhat We Do

Terms of UsePrivacy Notice

2025 by iamachristian.org,Inc All rights reserved.

Home
Gospel
Question
Blog
Help