TITO 1 - Tuvalu Revised Bible

1Ko au ko Paulo te tavini a te Atua, kae se apositolo foki a Iesu Keliso.

Ne kalagagina au kae uga atu o fakasalalau te fakatuanaki o tino filifilia a te Atua mō te lotou iloa tonu o te mea tonu, ko te mea ke amio faka‐Atua.

2A te fakamoemoega ki te ola se gata mai ko leva ne folafola mai ne te Atua tela e se mafai o loi,

3kae ne fakaasi mai ne ia tena muna i te taimi tonu eiloa. Ne tuku mai ki a au mo tona talitonu me fai eiloa ne au a te galuega nei, tenei ko folafola atu ne au i te fakatonuga a te Atua te tou Fakaola.

4 ka ko ana tamaliki e 'tau o talitonu ki te Atua, ke mo a ma taku latou ne tino mataola io me ofa tulafono.

7Me i te takitaki, se tavini a te Atua, e se 'tau mo ia o amio masei; e se 'tau foki mo ia o talia so se mea io me ita vave, io me kona, io me fakatupu masei, io me kaimanako.

8Kae 'tau o fai ne ia te alofa kaimalie, se tino e fiafia ki te 'lei, e 'tau o maua ne ia a te loto pulea, e fai mea tonu, e maua ne ia te olaga tapu, kae ke lava foki te puipuiga o te olaga 'lei.

9E 'tau mo ia o taofi mau ki te muna tonu, ko te mea ke mafai ne ia o akoako atu akoakoga tonu, ke fakatonu ei foki ne ia a akoakoga kola e 'teke ki te mea tonu.

10Me e tokouke a tino kola e 'teke kae fakaloiloi ne latou nisi i olotou akoakoga 'se, kae sili atu eiloa a latou ne o'mai mai i Iutaia.

11E 'tau mo latou o se faipati, i te mea ko kosu valevale ne latou a kaiga katoa, i te akoako atu ke maua ne olotou mea, kae e seai se lotou saolotoga o akoako atu.

12E tokotasi a te pelofeta o latou ne fai mai, “A tino Keleta ne tino 'loi, ne manu ma'sei, ne tino ga'fula kae paie.”

13E tonu te molimau tenei. Tela la, ke 'teke malosi atu koutou ki a latou, ko te mea ke mafai latou o olo tonu i te fakatuanaki,

14ko te mea foki ke se toe taofi mau ki tala 'kai faka Iutaia io me ko te faka'logo ki fakatonuga a tino kola e 'teke ki te mea tonu.

15E 'ma mea katoa ki a latou kola e loto 'ma; kae e seai se mea e 'ma ki a latou kola e ma'sei kae se talitonu, me i olotou manatu mo mafaufauga ko oti ne fakama'sei.

16E molimau latou me e iloa ne latou te Atua, kae faka'fiti ki te Atua i olotou faifaiga; e inosia latou, e fakalogoga'ta, e se fetaui foki ki so se galuega 'lei.