LUTA 2 - Tuvalu Revised Bible

Ko Galue a Luta i te Fatoaga o Poasa

1E isi se kaiga pili o Naomi, tena igoa ko Poasa, se tino maumea kae lauiloa foki, kae kaiga mo Elimeleka te avaga a Naomi.

2 E tiga foki eiloa me i a au e se 'pau mo se tino tokotasi o tavini a koe, kae ko muna alofa a koe ki a au ko malosi ei au.”

14I te taimi o te kaiga ne faipati atu a Poasa ki a Luta penei, “Vau o kai aka ne mu falaoa faka'fete ma koe, kae peke ki te sosi.” Tela, nofo tasi ei a ia mo tino faigaluega kae avatu ne Poasa a fuaga o saito ne tao ke kai ma ia. Ne kai eiloa a ia ke makona, kae isi foki ana mo meakai ne toega.

15I tena fanoga o tae fuaga o saito, ne fakatonu atu ei Poasa ki ana tino faigaluega penei, “Tuku eiloa a ia ke taetae fuaga o saito, ke oko eiloa ki koga kola e takato ei a saitagā saito, kae sa vaogina a ia.

16Se gata i kona, tapale aka foki ne kau saito mai saitaga ke taetae ne ia.”

17Tela la, ne galue loa Luta ki te taetaega o fuaga saito i te fatoaga ke oko eiloa ki te afiafi. I te otiga ne kinikini ne ia a kau o saito, ne iloa ake ei ne ia me toe itiiti kae maua te sefulu kilokalame te mafa.

18Ne ave ne ia ki te fa'kai a fuaga o saito kae fakaasi atu ki te matua o tena avaga a fua o tena galuega. Avatu foki ne ia ana toega meakai i tena kaiga i te fatoaga a Poasa.

19Ne fesili mai Naomi ki a ia, “Ne taetae katoa ne koe i fea a fuaga o saito konei? E oi foki te fatoaga ne galue a koe i ei? Ke fakamanuia ne te Atua a te tagata tena ne alofa atu ki a koe!”

Tela, tala atu ei ne Luta kia a Naomi i a ia ne galue i te fatoaga a Poasa.

20 Levi 25.25 Faipati mai ei a Naomi penei, “Ke fakamanuia ne te Aliki a Poasa! A te Aliki e tausi faeloa ne ia ana feagaiga ki tino ola mo tino mate.” Kae ne toe faipati mai foki penei, “A te tino tena se kaiga pili o tatou, se tino tokotasi mai tino kola e 'tau o tausi mai ki a taua.”

21Tena, fai atu ei a Luta penei, “E tafasili atu la i te lei, me ne fai mai ke vau sale loa au o taetae fuaga o saito fakatasi mo ana tino galue ke oko eiloa ki te fakaotiga o te taukai.”

22Muna Naomi ki a Luta, “Ao, taku tama, ka sili atu tou filemu ma galue koe mo fafine i te fatoaga a Poasa i lo tou fano o galue i se fatoaga a se isi tino.”

23Tela, galue eiloa a Luta fakatasi mo latou o taetae a fuaga o saito ke oko eiloa ki te otiga ne kati o kalite mo saito. Kae ne 'nofo tasi eiloa a ia mo te matua o tena avaga.