FILIPI 3 - Tuvalu Revised Bible

Ko te Amiotonu Faka te Atua

1Ko te toe manatu e taina, ke loto fia'fia koutou i te Aliki. A te toetusi atu o mea ko oti ne tusi atu ne au muamua, e se se mea fakafita tena ki a au, kae se mea e puipui ei te otou ola.

2Ke fakaeteete koutou i tino amio masei kola e fakatusa ne au ki kuli. I te mea e akoako ne latou auala o te fakaolataga e maua i te pilitome.

3Me ko tatou tonu eiloa tino o te pilitomega tonu kae se ko latou, i te mea i a tatou e tapuaki ki te Atua i tona Agaga, kae fia'fia ki te tou olaga i a Keliso Iesu. E se tali'tonu foki tatou ki olotou tulafono, me se fakaolagina tatou i ei.

4Au ne talitonu ki tulafono konei ka koi tuai o fai au mo kelisiano.

5Loma 11.1; Galu 23.6; 26.5E tasi te vaiaso mai tua o taku fanauga, kae pilitome au. Au se tina Isalaelu i taku fanaumaiga, kae se tino o te matakaiga o Peniamina, se tina Epelu eiloa me ne fanau mai i matua Epelu. Au se Falesaio ki feitu o te tausiga o te Tulafono faka Iutaia,

6Galu 8.3; 22.4; 26.9-11ka ko oko foki eiloa i toku tausi fakamaoni ki ei, kae ne iku eiloa ki te fakasaua ne au a te Ekalesia. Ne taumafai au ke takuamiotonugina au i mua o te Atua i te tausi ki te Tulafono.

7Me ne a mea aoga ne maua ne au i aso ko teka, nei ko lau ne au me ne mea se aoga katoa ona ko au ko talitonu ki a Keliso.

8E se gata fua i mea kona; ko taku foki ne au a mea katoa ne mea se aoga, ona ko te mea e isi se mea e sili atu tona aoga, tela ko toku iloa 'lei o Keliso Iesu tela ko toku Aliki. Ko tiaki ne au a mea katoa ona ko ia, ko taku ne au a mea katoa kona ne kaiga ko se atafaia i te elo, ko te mea ke maua ne au a Keliso,

9ke katoatoa toku 'soko tasi mo ia. A te amiotonu tela e fakavae i te Tulafono, ko seai nei i a au. Kae nei ko maua ne au a te amiotonu tela ne tuku mai e alatu i te fakatuanaki ki a Keliso, ko te amiotonu e aumai mai te Atua, kae fakavae i luga i te fakatuanaki.

10A te mea e manako fua au ki ei, ke iloa ne au a Keliso mo te mana o tena toetu; ke kau fakatasi au i ona puapuaga, ke pau foki maua i tona mate,

11i te fakamoemoe ke toetu ake au mai te mate ki te ola.

Ko te Fakatau 'Telega ki te Tapula

12Au e se fai atu pela me ko oti ne maua ne au a te mea nei, io me ko au foki ko leva ne 'lei katoatoa. Au tenei eiloa koi kausaki ki ei ke maua ne au, i a au ko leva ne fai mo tino o Keliso Iesu.

13Taina, au e taofi pela me seki oko eiloa au ki ei; e tasi fua te mea e fai ne au, ko te fakapuli ne au a mea kola i oku tua, kae taumafai malosi eiloa au ke maua ne au a te mea tela e i oku mua.

14Tela la, au e tele tonu eiloa ki te tapula ke maua ne au a te fakailoga, tela ko te kalaga a te Atua e alatu i a Keliso Iesu ki te ola i te lagi.

15A tatou kola ko ma'tua faka te Agaga, e 'tau o maua ne tatou a te vaega mafaufauga tenei. Ia, kae kafai e isi ne mea ko ala ei o tai kese mai otou mafaufauga, ka fakamaina ne te Atua ki a koutou.

16I te taimi nei, e 'tau eiloa o tumau a te tou amio i faiga kola ko oti ne fai ne tatou.

17 1Koli 4.16; 11.1 Taina, e tau mo koutou katoa o fakaakoako mai ki a au. Ko oti ne fakatakato ne matou a te akoakoga tonu mō koutou; tela la, fakalogo fakalei ki a latou kola e tautali i ei.

18Ko fai atu fakafia ne au ki a koutou a te mea nei i aso ko teka, kae nei ko toe fai atu foki ne au mo loimata maligi: e tokouke i a koutou ko fai olotou olaga mo fili ki te mate o Keliso i luga i te sataulo.

19A te ikuga o tino kona ko te mate, i te mea e atua latou ki manakoga faka te foitino, e fakamatamata ki mea kola e fakalumalumagina ei latou, kae mafaufau faeloa ki mea faka te lalolagi.

20A tatou ko tino o te lagi, kae mai te lagi e vau ei a te fakaola tela e fakatalitali tatou ki ei, ko te Aliki ko Iesu Keliso.

21Ka 'fuli ne ia o'tou foitino 'mate konei ki foliga o tona foitino 'malu, i te fakaaoga ne ia a te mana tela e mafai ei ne ia o aumai a mea katoa ki lalo o tena pule.