1 SAMUELU Fakatomuaga - Tuvalu Revised Bible

FakatomuagaA te tusi Muamua a Samuelu e fakamatala mai i ei te 'fuliga i Isalaelu, mai aso o famasino ki aso o tupu. A te 'fuliga tenei i te olaga o Isalaelu e fakapogai malosi ki tagata konei e tokotolu: ko Samuelu, te famasino fakaoti o Isalaelu; ko Saulo, te tupu muamua o Isalaelu; mo Tavita te tupu takutakua o Isalaelu.A te manatu taua i te tusi tenei pela foki eiloa i nisi tusi o te Feagaiga Mua kola e tusi ei a tala tuku fakasolo e penei: te fakamaoni ki te Atua e maua ei te manuia, ka ko te se fakalogo e mafua mai i ei te puapuaga. A te manatu tena e fakaasi faka'lei mai eiloa i muna a te Aliki ki a Eli te faitaulaga i te mataupu e 2.30: “Ka fai faka'lei ne au a tino kola e āva mai ki a au, kae ka se fai faka'lei ne au a tino kola e se fia'fia mai ki a au.”E fakamatala mai foki i loto i te tusi tenei a manatu kesekese e uiga ki te faiga o se tupu mō Isalaelu. A te Aliki e taku pela me ko te Tupu tonu o Isalaelu, ka ko te auala ne fili ei ne te Aliki se tupu mo Isalaelu me ko fakatagi atu ke maua se tupu mo latou. A te mea taua i konei me i te tupu mo tino Isalaelu katoa e nofo i lalo o te pulega mo te fakamasinoga a te Atua (2.7-10). Ko tulafono a te Atua e puipui ei te saolotoga o tino Isalaelu katoa, tino maumea, pela foki tino ma'tiva.Ko Fakasologa o MataupuSamuelu te famasino o Isalaelu 1.1—7.17Saulo ko fai mo tupu 8.1—10.27Ko tausaga muamua o te nofoaiga a Saulo 11.1—15.35Ko Tavita mo Saulo 16.1—30.31Ko te mate o Saulo mo ana tama tagata 31.1-13