2 KOLINITO 13 - Tuvalu Revised Bible

Ko Polopolokiga mo Fakatalofaga Fakapalele a Paulo

1 Teu 17.6; 19.15 Tenei toku fanatu fakatolu ki a koutou, e pela mo muna a te Tusi, “E 'tau o fakatalitonu te tagi a se tino ne se tokolua io me se tokotolu.”

2Ne fakatonu atu ne au latou kola ne agasala muamua pela foki mo nisi tino; ko toe fakatonu atu foki au i te fakalua ka koi galo au i kona, e pela eiloa mo taku faiga i taku nofoga i kona, me kafai e toe fanatu au ka se fakasao ne au se tino mai te fakasalaga.

3Ka maua ne koutou a fakatalitonuga katoa, i a Keliso e faipati e alatu i a au; e se vaivai a ia i tona galue i a koutou, ka ko tona mana e galue i otou loto.

4A tena foitino vaivai faka te tagata ne mate i luga i te sataulo, kae ne toe ola i te mana o te Atua. E vaivai foki matou e pela eiloa mo ia, ka ko te mana o te Atua e ola fakatasi ei matou mo ia, ke ga'lue ei matou mō koutou.

5Ke sukesuke ifo faka'lei koutou ki a koutou eiloa, me mata e mautakitaki koutou i te otou fakatuanaki. Ke fai se tofotofoga mō koutou. E 'tau o iloa ne koutou i a Iesu Keliso e i loto i a koutou. Ka iloa i a Keliso e se ola i otou loto manafai e se 'kafi ne koutou o 'teke te tofotofoga.

6Au e fakamoemoe me ka iloa ne koutou me seki taka'vale eiloa matou.

7A te pogai mō te mea nei, e se ko tona uiga ke fakatalitonu ei te motou galuega ki a koutou se galuega manuia, me e taofi nisi tino me e se fua te motou galuega ki a koutou. A te pogai tonu e 'talo ei au mo koutou, ko koutou ke fai te mea tonu.

8Me se mafai ne matou o fai se mea o 'teke atu ki te muna tonu a te Atua, kae fai eiloa ne matou a mea kola e 'tau mō te muna tonu a te Atua.

9Kafai ko vai'vai matou, e fia'fia eiloa matou ki ei, i te mea e ma'losi koutou. A te mea e 'talo matou ki ei, ko koutou ke 'lei katoatoa.

10Tena te pogai ko tusi atu ei ne au a te tusi tenei, kae se nofo au i kona, ko te mea kafai e oko atu au ka fai faka'lei ne au koutou i te fakaaogaga ne au a te pule tela ne tuku mai ne te Aliki mō atiake koutou, kae se o fakamasei koutou.

11Taina, konei aku muna fakaoti, tofa koutou. Ke fakatonutonu otou auala, ke fakaaoga ne koutou aku muna ne fai atu, ke fakatauma'lie koutou i a koutou eiloa, ke ola filemu koutou, kae ke i a koutou te Atua o te alofa mo te filemu.

12Ke fealofani koutou i te sogi tapu. Ko a'lofa atu katoa a kelisiano ki a koutou.

13Ke i a koutou katoa te alofa tauanoa o te Aliki ko Iesu Keliso, te alofa o te Atua mo te mafutaga mo te Agaga Tapu.