SALAMO 6 - Tuvalu Revised Bible

Ko te 'Talo mo se Fesoasoani i Taimi o Puapuaga

1 Sala 38.1 Te Aliki, sa ita kae sa fakasalagina mai au i taimi o tou kaitaua!

2Te Aliki, alofa mai ki a au, i a au ko vaivai!

Fakafoki mai toku malosi me i a au ko vaivai,

3Toku agaga katoa ko oko loa i te fanoanoa.

Te Aliki, ko afea e fesoasoani mai ei koe ki a au?

4Te Aliki, vau o fakasao mai au;

Ona ko tou alofa, fakasao au mai te mate.

5I te lalolagi o tino mate, e seai se tino e mafaufau atu ki a koe;

E se mafai foki o 'viki atu se tino ki a koe i kona.

6Au ko vaivai i te fanoanoa;

A toku moega e siu i aku tagi i po katoa,

Kae siu foki toku aluga i oku loimata.

7Ko faigata o lavea ne au se mea, i oku mata ko pēpē

Ona ko taku tagiga, ne mafua mai i oku fili.

8 Mata 7.23; Luka 13.27 Olo keatea mai oku tafa, a koutou tino amio ma'sei!

Ko lagona ne te Aliki toku tagi fanoanoa;

9E lagona ne ia taku fakatagi mo se fesoasoani,

E tali mai foki a ia ki taku talo.

10Ka iloa ne oku fili katoa te masiasi o te takavale;

Ko oko eiloa te lotou manava'se, 'tele fakavave ei latou keatea.