1Ne lagona foki ne au a te leo e faipati malosi mai i loto i te fale tapu ki agelu e tokofitu: “Olo o 'ligi a tanoa e fitu o te kaitaua o te Atua i luga i te lalolagi!”
2 Eso 9.10 Ne fano te agelu muamua, 'ligi ei ne ia tena tanoa i luga i te lalolagi. Ne 'tupu ake a foge ma'sei mo te 'mae i luga i foitino o latou kola e iai te fakailoga o te manu fekai, pela foki mo latou kola ne tapuaki ki tona fakatusa.
3Ne 'ligi ne te lua o agelu tena tanoa i luga i te tai. Ne fuli a foliga o te tai, ko pela eiloa mo te toto o te tino mate, kae ne 'mate katoa a mea ola o te tai.
4 Eso 7.17-21; Sala 78.44 Ne 'ligi ne te tolu o agelu tena tanoa i luga i vaitafe mo vaipuna, kae ne liu toto a vai katoa kona.
5Ne lagona ne au te agelu e pule i vai ne fai ake pela: “E tonu faeloa koe i au fakamasinoga konei ko oti ne fai e te Tokotasi Tapu, tela e ola nei kae ne ola foki mai mua!
6Ne tamate ne latou a kelisiano mo pelofeta, kae tuku atu foki ne koe olotou toto ke inu ne latou. E maua eiloa te lotou taui!”
7Ne lagona foki ne au te leo mai te fata faitaulaga e faipati penei, “Te Aliki, te Atua tela e o koe te Malosi Katoatoa, e tonu katoatoa faeloa au fakamasinoga.”
8Ne 'ligi ne te fa o agelu tena tanoa i luga i te la, kae ne talia ke 'sunu a tino ki tona 'vela fakamataku.
9A tino ne 'sunu ki te 'vela o te la ka ulaula, ko latou kona ne faifai muna ki te igoa o te Atua, tela ko ia e isi sena pule i luga i mala konei. E se mafai eiloa latou o sala'mo ki olotou agasala io me 'viki atu ki tena 'malu.
10 Eso 10.21 Ne 'ligi ne te lima o agelu tena tanoa i luga i te nofogaaliki o te manu fekai. Ne pouli katoa te malo o te manu fekai, kae u olotou gutu ona ko te lotou fi'ta.
11Ne faifai muna latou ki te Atua o te lagi ona ko te lotou fi'ta mo te 'mae. Kae ne seki 'fuli eiloa mai i olotou auala ma'sei.
12 Isa 11.15 Ne 'ligi ne te ono o agelu tena tanoa i luga i te vaitafe ko Eufilate. Ne masa pakupaku te vaitafe, ke fai mo auala o tupu e o'mai mai te saegala.
13Tela, matea ei ne au a agaga masei e tokotolu, e foliga ki lane, e o'mai ki tua mai te gutu o te talako, mai te gutu o te manu fekai mo te gutu o te pelofeta loi.
14Ko agaga o temoni kona kola e fai ne latou a vavega. A agaga konei e tokotolu e olo ki tupu i te lalolagi katoa, o 'luku latou ki te taua i te aso lasi o te Atua e o ia te Malosi Katoatoa.
15 Mata 24.43,44; Luka 12.39,40; Faka 3.3 “Faka'logo mai! Au e vau pela mo se tino kaisoa! Amutia a ia tela e ala faeloa kae tausi faka'lei ona gatu, ko te mea ke mo a e fano sale fuafua, ko masiasi ei a ia i mua o tino manafai e oko mai au!”
16 2Tupu 23.29; Saka 12.11 Ko fakamaopoopo fakatasi ei ne agaga konei a tupu i te koga tela e taku faka‐Epelu ko Amaketo, ko te mauga o Mekito.
17Ne 'ligi ne te fitu o agelu tena tanoa i te ea. Vau ei mo te leo lasi mai te nofogaaliki i te fale tapu penei: “Ko oti ne fai!”
18Faka 8.5; 11.13,19Ne 'lapa a uila mo leo e 'gulu, mo fa'tili e pa'pa malosi, mo te mafuie fakamataku e lulu. E seai eiloa se mafuie fakamataku penei kai tupu, talu te faitega o te tagata, kae tenei eiloa te mafuie e pito fakamataku i mafuie katoa!
19Isa 51.17Ko vaetolugina te fa'kai lasi kae takutakua ko Papelonia, ka ko fa'kai 'lasi katoa o fenua ko fakamaseigina. Ne masaua ne te Atua a Papelonia, fai ei ne ia ke inu ki te uaina mai tena ipu, ko te uaina o tena kaitaua fakamataku.
20Faka 6.14Ne 'galo katoa a fenua, pela foki mo mauga.
21Eso 9.23; Faka 11.19Ne 'to ifo foki mai te lagi motiga ua aisa e ma'keke pela mo ne fatu 'lasi, e taki selau pauna te 'mafa o te motiga ua aisa. E 'to mai luga i te lagi ki tino. Ka ko tino ne faifai muna ki te Atua ona ko te mala tenei, me ko oko eiloa i te fakamataku.
Who We AreWhat We EelieveWhat We Do
2025 by iamachristian.org,Inc All rights reserved.
