1 e isi sena kalauna aulo tela e tusa mo te tolusefulu fa kilokalame te mafa. E isi se fatu taua i loto i te kalauna o te tupua tena, kae ne puke ne Tavita o faulu ki loto i tena kalauna. E uke foki a mea taua ne puke ne ia mai i te fa'kai tena.
3Ne aumai ne ia a tino o te fa'kai tena o fakaga'lue ki soa, mea tofa laukele mo takū. E pena foki te mea ne fai ne ia ki tino o nisi fa'kai o Amoni. Tena, foki atu ei a ia mo tena kautau ki Ielusalema
Ko te Taua mo Toa o Filisitia(2Samu 21.15-22)4Fakamuli ifo, ne toe taua foki latou mo te kau Filisitia i Kesela. Ko te taimi tenei tela ne tamate ei ne Sipekai, se tagata mai i Husa, a te toa Filisitia e igoa ki a Sipai, tena ne takavale ei te kau Filisitia.
5 1Samu 17.4-7 E isi foki se taua mo te kau Filisitia, tela ne tamate ei ne Eleana te tama tagata a Iaila a Lami, te taina o Koliata mai i Kata. Ko Koliata tenei tela e isi sena tao e pau te fula mo te fiti o te masini laga laugatu.
6E isi foki se taua i Kata, kae e isi i kona se toa e taki ono ona matikao i te avā lima o ia, pela foki ana matikao vae. A ia se tino i te gafa o toa taumua.
7Ne muna masei a ia ki te kau Isalaelu, tena ne tamate ei a ia ne Ionatana, te tama tagata a te taina o Tavita ko Siama.
8A te tokotolu konei, kola ne tamate ne Tavita mo tena kau, ne tupu mai i toa o Kata.
Who We AreWhat We EelieveWhat We Do
2025 by iamachristian.org,Inc All rights reserved.
