NUMELA 20 - Tuvalu Revised Bible

Ko Mea ne Tupu i Katesa(Eso 17.1-7)

1I te masina muamua ne oko atu ei a te fenua katoa o Isalaelu ki te Vao o Sina, tena ne ma'nava ei latou i Katesa. A Miliama ne mate i kona, ne tanu foki i te koga tena.

2 te koga ne mui'mui ei a tino Isalaelu ki te Aliki, te koga foki tena ne fakaasi ei ne te Aliki ki a latou i a ia e malu.

Ko te Tupu o Etoma mo Tino Isalaelu

14Ne uga ne Mose ana avefekau mai Katesa ke olo ki te tupu o Etoma. Muna a latou penei, “A te fekau tenei ne aumai mai ou kaiga, kola ko matakaiga o Isalaelu. E iloa ne koe a puapuaga ne feagai mo matou,

15mai i te taimi ne olo ei omotou tupuga ki Aikupito, te fenua ne nofo ei matou i tausaga e uke. Ne fai fakamasei ne tino Aikupito a omotou tupuga pela foki matou,

16tena ne ka'laga ei matou ki te Aliki mo se fesoasoani. Ne lagona ne ia omotou tagi, tela ne uga mai ei ne ia te agelu ke taki matou keatea mai Aikupito. A matou konei e nofo nei i Katesa, se fa'kai e pili ki te tuakoi o tou fenua.

17Fakamolemole, talia mai ke ui atu matou i loto i tou fenua. A matou mo omotou manu ka se fakapiko eiloa keatea mo te auala, io me olo ki otou fatoaga io me ko toga vine, kae ka se inu foki eiloa matou i otou vaikeli. Ka olo tonu eiloa matou i te auala ke oko ki te taimi e to atu ei matou ki tua mo tou fa'kai.”

18Kae ne tali mai a tino Etoma penei, “E se talia ne matou ke ulu mai koutou i loto i te motou fenua! Kafai e taumafai eiloa koutou o o'mai o ulu i loto i te motou fenua, ko matou ka olo atu o faitaua ki a koutou.”

19Muna a tino Isalaelu penei, “A matou e olo tonu eiloa i te auala, kae kafai e isi ne tino i a matou io me ne manu e inu i otou vai, ka togi ne matou te agasala tena. A te mea e ma'nako matou ki ei, ko matou fua ke ui atu i loto i te otou fenua.”

20Ne toe tali mai a tino Etoma me e se talia eiloa ne latou, tena ne olo atu ei te lotou kautau ma'losi o taua ki tino Isalaelu.

21Ka ko tino Isalaelu ne foki atu ki tua o olo i te isi auala fakaatea, me ko se talia latou ne tino Etoma ke ui atu i loto i te lotou fenua.

Ko te Mate o Alona

22Ne tiakina ne te fenua o Isalaelu a Katesa, te koga ne nofo ei latou, o olo atu ki te Mauga o Holo,

23i te tuakoi o Etoma. I kona, ne faipati mai ei a te Aliki ki a Mose mo Alona penei,

24“A Alona ka se ulu atu ki loto i te fenua tela ne tauto au ke tuku mo tino Isalaelu; ko pili nei a ia o mate, me i a koulua ne teke ki taku fakatonuga i Melipa.

25Puke a Alona mo tena tama tagata ko Eleasalo o ave ki luga i te Mauga o Holo.

26Kiloke, tapale ne koe a gatu fakafaitaulaga o Alona kae fakapei atu ki a Eleasalo. A Alona ko pili o mate.”

27Ne fai eiloa ne Mose a te mea ne fakatonu atu ne te Aliki. Ne olo atu latou ki luga i te Mauga o Holo, i mua o te fenua katoa,

28Eso 29.29; Nume 33.38; Teu 10.6 tena ne tapale ei ne Mose a gatu faka faitaulaga o Alona kae fakapei atu ki a Eleasalo. I kona foki eiloa, i luga i te Mauga tena, ne mate ei a Alona; tena, ne foki ifo ei a Mose mo Eleasalo ki lalo.

29Ne logo te fenua katoa i a Alona ko mate, tena ne tagi fanoanoa katoa ei latou i aso e tolu sefulu.