1Tino Isalaelu, fakalogo mai ki te fekau a te Aliki ki a koutou.
2Ana muna,
“Sa tautali ki faifaiga a nisi malo;
Sa 'poi manafai e lavea ne koutou ne mea fakaatea i te lagi,
Sa saga ki nisi malo manafai e mataku i mea kona.
3A te lotu a tino konei e seai se aoga.
E kati ki lalo ne latou se lakau i te vao ko tata fakalei ei ki mea faigaluega a te tagata faite tupua,
4Ka oti ko fakagaligali ei ki siliva mo aulo.
Ka oti ko 'tuki ei ki fao ke mo a e siga ki lalo.
5A tupua pena, e pela me ne mea fakamatakutaku i se fatoaga meleni;
E se mafai ne latou o faipati,
Kae e tau o aveave sale me e se mafai o sasale.
Sa mataku ki tupua kona:
E se mafai o fakapakia ne latou se tino,
E se mafai foki o fai ne latou se tino ke lei.”
6Te Aliki, e seai se tino e 'pau mo koe;
A koe e malosi,
Ka ko tou igoa foki e mana kae takutakua.
7
9A olotou tupua e vali ki siliva mai i Sepania,
Pela foki ki aulo mai i Ufasa,
Ko galuega katoa kona a tino poto i te faite mea pena;
A tupua kona e 'pei ki gatu violeti kae lanu kulakula
Kola e sui ne tino poto i suiga o laugatu.
10Ka ko koe, e te Aliki, ko te Atua tonu,
Koe ko te Atua ola
Ko te tupu ki te se gata mai.
Kafai e kaitaua koe, kae pole'pole te lalolagi;
A malo e se mafai o kufaki ne latou tou kaitaua.
11(E tau mo koutou tino o te fenua o fai atu ki a latou i atua kola e seki faite ne latou a te lagi mo te lalolagi e ta fakapalele katoa. Ka se toe ai eiloa latou i te lalolagi nei.)
Ko te Pese o Vikiga ki te Atua12Ne faite ne te Aliki a te lalolagi ki tena mana;
Ne faite ne ia te lalolagi ki tena poto
Kae 'fola foki ne ia a lagi.
13A vai i luga atu o te lagi e gulu i te fakatonuga a te Aliki;
E aumai ne ia a kaumana mai i feitu o te lalolagi.
E fai ne ia a te uila ke lapa i te taimi e 'to ei te vaiua
Kae uga mai ne ia a te matagi mai i tena potu 'teu koloa.
14A tagata e lagona ifo ne latou,
Te se lava mo te valea;
Manafai ko lavea ne latou a mea kona.
A tino e faite ne latou a tupua
Ko fakapouligina olotou mata,
Me i atua e faite ne latou
Ne atua mate fua, se ne atua tonu.
15A tupua kona e se aoga kae e 'tau o takalialia ki ei a tino;
Ka 'ta fakapalelegina latou i te taimi e vau ei te Aliki o fakasala latou.
16A te Atua o Iakopo e se 'pau mo atua kona;
Ko ia ne faite ne ia a mea katoa,
Kae ne filifili ne ia a Isalaelu ke fai mo fenua o ia.
A tena igoa ko te Aliki Malosi.
Ko te Tafeaga17Tino Ielusalema, koutou ko nikoi ne te fili! Fakatoka otou kope.
18A koutou ka ave keatea ne te Aliki mai i te fenua tenei; ka tukipala koutou ke mo a eiloa se tino o koutou e toe. Ko te Aliki tena ne faipati atu.
19Ne 'tagi aka a tino Ielusalema penei,
“Matou ko logofiofio!
A omotou pakiaga ko se toe mafai o lei.
Ne leake eiloa nei matou me e mafai o kufaki ne matou a te mea tenei!
20A omotou faleie ko ma'sei katoa;
A lopu kola e sai ki ei ko motu.
A omotou tamaliki katoa ko oti ne olo keatea;
Ko seai ne tamaliki e 'toe ke toe fakatu aka a omotou faleie;
Ko seai se tino ke tautau aka ne ia ona pui laugatu.”
21Ne tali atu au, “A omotou takitaki e valea;
E se kalaga ki te Aliki mō se takitakiga lei.
Tena te pogai ne se lei ei olotou takitakiga,
Ko ala ei ki te salalau valevale atu o tino ki koga valevale.
22Fakalogo mai! Ko oko mai te tala!
E isi se gasuesuega lasi i se malo i te feitu ki matū;
A tena kautau ka fuli ne ia a fa'kai o Iuta ke liu toafa,
Se koga e nofo ei a manu vao e igoa ki tiakolo.”
23Te Aliki, e iloa ne au me e seai se tino e pule i tena ikuga;
E seai se tino e pule i tena ola.
24Te Aliki, akoako aka tou fenua; kae sa to kaitaua malosi ki a matou;
Sa fakasalagina foki matou i te taimi e kaitaua ei koe;
Tena eiloa te gataga o matou.
25Fuli atu tou kaitaua ki fenua kola e se tapuaki atu ki a koe,
Ki tino kola e teke ki a koe.
Ne tamate ne latou ou tino;
Ne ta fakapalele ne latou a matou
Kae tiakina mai te motou fenua me ko masei valevale.
Who We AreWhat We EelieveWhat We Do
2025 by iamachristian.org,Inc All rights reserved.
