1Viki atu koutou ki te Aliki!
Usu se pese fou ki te Aliki;
Viki atu ki a ia i te maopoopoga o ana tino fakatuanaki!
2Ke fia'fia koutou Isalaelu ona ko ia tela ne faite ne ia koutou;
Fia'fia koutou tino o Siona ona ko te otou tupu!
3Viki atu ki tena igoa i fatele;
Viki atu foki ki a ia i lali mo kitala.
4E fiafia te Aliki ki ana tino;
E fakasili ne ia tino loto maulalo o tuku ki ei te manumalo.
5Ke fia'fia tino o te Atua i te lotou manumalo,
Kae pese mo te fiafia i te po kātoa.
6Ke ka'laga latou ki luga, kae viki atu ki te Atua,
Mo olotou pelu makai'kai i olotou lima,
7Ke fakatakavale ne latou a nisi malo,
Kae fakasala olotou tino;
8Kae pikifao olotou tupu ki filifili,
Ka ko olotou takitaki ki filifili fiti;
9Ke fakasala ne latou a malo pela mo te fakatonuga a te Atua.
Tenei te manumalo o tino o te Atua.
Viki atu koutou ki te Aliki!
Who We AreWhat We EelieveWhat We Do
2025 by iamachristian.org,Inc All rights reserved.
