NEEMIA 12 - Tuvalu Revised Bible

Ko Faitaulaga mo te kau sa Levi

1Tenei te fakasologa o igoa o faitaulaga mo te kau sa Levi kola ne foki mai i te tafeaga, fakatasi mo Selupapelu te tama tagata a Salatielu mo Iosua te Faitaulaga Sili:

2-7Ko Faitaulaga:

Selaia, Ielemia, Esela, Amalia, Maluka, Hatusa, Sekania, Lenuma, Melemota, Ito, Kinetoi, Avia, Mitiamina, Maatia, Pilika, Semaia, Ioialipa, Ietaia, Salu, Amoka, Hilikia me Ietaia.

A tagata konei ko takitaki i olotou taina faitaulaga i aso o Iosua.

8Ko te kau sa Levi:

Konei a igoa o tino kola e takitaki ne latou a te usuga o pese fakafetai: ko Iesua, Pinui, Katamiela, Selepaia, Iuta, mo Matania.

9Konei a igoa o te kaufaipese kola e usu ne latou a te tali: ko Pakapukia, Uno, mo olotou taina sa Levi.

Ko Tino o te Gafa o Iosua te Faitaulaga Sili

10Iosua ko te tamana o Ioiakima; Ioiakima ko te tamana o Eliasipa; Eliasipa ko te tamana o Ioiata;

11Ioiata ko te tamana o Ionatana; ka ko Ionatana ko te tamana o Iatua.

Ko Matai o Kaukaiga o Faitaulaga

12-21I te taimi ne fai ei a Ioiakima mo Faitaulaga Sili, ka ko tino ne fai mo matai o kaukaiga o faitaulaga ko:

Faitaulaga

Kaukaiga

Melaia

Selaia

Hanania

Ielemia

Mesulama

Esela

Ieoananu

Amalia

Ionatana

Maluki

Iosefa

Sepania

Atina

Halima

Helekai

Melaiota

Sakalia

Ito

Mesulama

Kinetonu

Sikeli

Avia

Miniamina

Pilitai

Moatia

Samua

Pilika

Ieonatana

Semaia

Matenai

Ioalipa

Usi

Ietaia

Kalai

Salai

Epela

Amoka

Hasapaia

Hilikia

Netanelu

Ietaia

Sikeli

Avia

Ko Tala o Faitaulaga mo te kau sa Levi

22E isi se tusi ne fakamau ei a igoa o matai o kaiga o te kau sa Levi mo kaiga o faitaulaga i aso ne ola ei a Faitaulaga sili ko Eliasipa, Ioiata, Ionatana, mo Iatua. A te tusi tena ne fai i aso ne tupu ei a te tupu o Pelesia ko Taliu.

23A igoa o matai o kaiga o te kau sa Levi ne fakamau i tusi o te malō ke oko mai fua ki te taimi o Ionatana te mokopuna o Eliasipa.

Ko te Vaevaega o Galuega i te Faletapu

24Mai i te fakatonutonuga a Hasapaia, Selepaia, Iesua, Pinui mo Katamiela, tena ne fakavasega ei a te kau sa Levi ki potukau kesekese. E taki lua potukau i te taimi e tasi e viki atu ki te Atua, e fai a vikiga a te sua potukau kae tali te sua potukau, kae tuku atu foki a fakafetai ki a ia, e pela eiloa mo tulafono ne tuku mai ne te Tupu ko Tavita, te tagata o te Atua.

25Konei a sotia tiute o te Faletapu kola e pule i te tausiga o potu teu koloa i tafa o te mataloa ki te Faletapu: ko Matania, Pakapukia, Opetaia, Mesulama, Talamoni mo Akupa.

26A tino kona ne ola i aso o Ioiakima te tama tagata a Iosua kae ko te mokopuna o Iosataka, pela foki i aso o Neemia te kovana, pela foki i aso o Esela te faitaulaga kae se tagata poto i te Tulafono.

Ko te Fakatapuga o te Pui o te Fa'kai ne Neemia

27I te taimi ne fakatapu ei a te pui o te fa'kai o Ielusalema, ne o'mai katoa a te kau sa Levi mai kogā koga katoa e nofo ei latou, ko te mea ke fakatasi mai latou i te fakaaloaloga o te fakatapuga o te pui, o usu a pese fakafetai kae fakatagi a sumepalo mo kitala.

28A kaiga usu pese o te kau sa Levi ne maopoopo mai katoa mai kogā koga ne nofo ei latou i tafatafa o Ielusalema pela foki mai fa'kai i tafatafa o Netopa,

29pela foki mai Petakilikala, Kepa, mo Asimaveta.

30Ne fai ne faitaulaga mo te kau sa Levi a sauniga e faka ma ei latou mo te fenua, mo mataloa o te fa'kai pela foki mo pui o te fa'kai.

31Ne fakamaopoopo ne au a takitaki o tino Iuta i luga o te pui kae tuku atu ke takitaki ne latou a potukau lasi e lua, o solo fakatamilo i te fa'kai, kae fakafetai atu ki te Atua.

A te potukau muamua ne solo ki te feitu fakaatamai i luga i te pui o olo pela ki te Mataloa o Kaiga.

32A Hosaia ne fanatu i tua o te kau usu pese, kae olo atu i tua a te afā o takitaki o Iuta.

33-35Ko faitaulaga e tafa atu ki te afā o takitaki o Iuta, e fakatagi ne latou a pu: ko Asalia, ko Esela, ko Mesulama, ko Iuta, ko Peniamina, ko Semaia mo Ielevia. Tafa atu ki a latou kona, ko Sakalia te tama tagata a Ionatana kae ko te mokopuna o Semaia. A nisi o ona tupuga ko Matania, Mikaio, mo Sakula, mai te kaukaiga o Asafo.

36Ne tau'tali atu i ona tua ko nisi tino o tena kaukaiga, ko Semaia, ko Asalelu, ko Melali, ko Kilalai, ko Maai, ko Netanelu, Iuta, mo Hanani — a latou katoa kona e tofu mo mea fakatagi'tagi pela mo mea kola e fakatagi sale ne te Tupu ko Tavita, te tagata o te Atua. Ko Esela, te tagata poto i te Tulafono e takitaki ne ia a te solo a te vaega tena.

37Mai te Mataloa o Vaipuna ne olo aka latou i sitepu kola e olo ake ki te Fa'kai o Tavita, fakasili atu latou mo te palesi o Tavita, tena toe foki mai ei latou ki te 'pui i te Mataloa o Vai, i te feitu ki te saegala o te fa'kai.

38A te sua potukau o tino kola e usu a pese fakafetai ne olo ki te feitu fakamaui i luga i te pui, ka ko au ne tautali atu i ei mo te āfa o te vaitino. Ne solo atu matou fakasili mo te Taoa o Ogaumu, oko atu ei matou ki te Pui Lauefa,

39kae mai kona ne olo atu matou fakasili mo te Mataloa o Efalaima, te Mataloa o Iesana, te Mataloa o Ika, te Taoa o Hananelu, mo te Taoa o te Selau, oko atu ei matou ki te Mataloa o Mamoe. Ne gata te motou solo i tafa o te mataloa ki te Faletapu.

40Tena la, ne oko atu ei a te avā potukau kola e usu pese fakafetai ki te Atua, ki te Faletapu.

I tafa o takitaki kola e olo tasi matou,

41e aofia foki i taku kau a faitaulaga kola e fakatagi ne latou a pu: ko Eliakimo, Maseia, Miniamina, Mikaio, Elioenai, Sakalia, mo Hanania;

42kae olo atu i tua ko Maseia, Semaia, Eleasalo, Usi, Ieoananu, Malakita, Elama, mo Eseli. A te kau usu pese, kola e takitaki ne Ieselaia, e usu eiloa mo te leo maluga.

43I te aso tena, ko oko eiloa i te uke o taulaga ne ofo, mo tino ko oko eiloa i te fia'fia me i te Atua ne fakafiafia ne ia latou. A fafine mo tamaliki ne kau fakatasi i te fakafiafiaga, ka ko leo o te ua'te o tino e mafai o lagona i koga mao.

Ko mea ne Tuku atu mo fai Tapuakiga i te Faletapu

44I te taimi tena, e isi ne tagata ko oti ne tuku atu ke pule i potu teu koloa, te koga e tausi ei meaalofa ki te Faletapu, e aofia ei a tasi vae sefulu, mo saito muamua, mo fuaga lakau kola e 'sulu i tausaga takitasi. Ko te tiute o tagata kona o tae mai a meaalofa mai i tino fai fatoaga kae tausi manu i tafa o fa'kai kesekese, ma faitaulaga mo te kau sa Levi e pela mo te mea e fai mai i te Tulafono. A tino Iuta katoa, ko oko eiloa i te fia'fia ki faitaulaga mo te kau sa Levi,

451NTupu 25.1-8; 1NTupu 26.12me ne fai ne latou a sauniga e faka'ma ei a tino mai olotou agasala, mo nisi sauniga fakatelotu kola ne fakatonu mai ne te Atua. A te kau tātā lakau o te Faletapu mo tino tausi o te Faletapu ne fai foki olotou tiute e pela eiloa mo te mea ne fakatonu mai ne te Tupu ko Tavita mo tena tama ko Solomona.

46Mai i te taimi o te Tupu ko Tavita mo te tagata fai pese ko Asafo, i aso mua eiloa, a tino fai pese ko leva ne takitaki sale ne latou a pese o vikiga mo fakafetai ki te Atua.

47I te taimi o Selupapelu, pela foki i te taimi o Neemia, a tino Isalaelu katoa ne tuku olotou meaalofa i aso takitasi mō te tausiga o tino fai pese o te Faletapu, pela foki mo tino tausi o te Faletapu. Ne tuku atu ne tino se taulaga tapu ki te kau sa Levi, ka ko te kau sa Levi ne tuku atu ne latou te aofaki 'tau ki faitaulaga.