ISAIA 49 - Tuvalu Revised Bible

Isalaelu ko te Mainaga ki Malo

1

Ne fai ne ia au pela me se matasana,

E makaikai kae ko toka o fakaaoga.

3Muna a ia ki a au, “Isalaelu, a koe ko taku tavini;

Ka tavae au ne tino ona ko koe.”

4Muna a aku, “Au ne galue, kae ko oko eiloa i te faigata!

Ko palele toku malosi, kae seai se mea lei kai maua.”

Ka ko au e fakatuaga ki te Aliki ke fesoasoani

Mai ki te mea e taumafai au ki ei;

Ka aumai ne ia se taui lei ona ko te mea tenei e fai ne au.

5Au ne filifili ne te Aliki ka koi tuai au o fanau;

Ne fai ne ia au ke fai mo ana tavini

Ko te mea ke fakafoki mai ne au a tino o tena fenua

Ke fakafoki mai ne au a tino Isalaelu

Kola e nofo salalau.

Ne aumai ne te Aliki ki a au se tulaga fakaaloalogina;

A ia ko te pogai o toku malosi.

6 i saute.”

13Usu pese, koutou lagi! Te lalolagi, kalaga mo te fiafia!

A mauga ke usu mai ne lotou pese!

Ka fakamafanafana ne te Aliki a loto o tena fenua;

Ka alofa a ia ki tino o tena fenua kola e puapuagatia.

14Ka ko tino Ielusalema ne fai mai penei,

“A matou ko tiaki ne te Aliki!

Ko se manatua ne ia matou.”

15Tela la, ne tali mai te Aliki penei,

“E mafai ne se fafine o puli tena pepe,

Kae se alofa ki te tamaliki ne fanau mai ne ia?

Kafai foki la e isi se matua e mafai o fakapuli

Ne ia tena tamaliki,

Ka ko au e se mafai o fakapuli ne au koutou.

16Ielusalema, e se mafai o fakapuli ne au koe!

Ko oti ne tusi ne au tou igoa i oku alofilima.

17“A tino kola ka toe faite ne latou a koe ko pili o oko mai,

Ka ko latou kola ne ta fakamasei ne latou a koe ka olo keatea.

18Kilo aka ki otou feitu me se a te mea e tupu!

A otou tino ko maopoopo — ko foki mai ki te lotou fenua!

E pela eiloa mo te iloa tonu i a au ko te Atua ola,

E pena foki te iloa atu i a koutou ka fiafia i otou tino ka o'mai,

E pela eiloa me se fafine fatoa avaga tela

E fakamatamata ona ko ana teuga tāua.

19“A te otou fenua ne fakamasei kae fakaseaogagina —

Kae nei, ka to foliki, se lava mo nofo ei a latou kola ka o'mai o nofo i ei.

Ka ko latou kola ne fakamasei ne latou a

Te otou fenua ka ave o fakamao keatea mai i a koutou.

20A tino o te otou fenua kola ne fanau i te fenua ne ave fakapagota ki ei latou,

Ka fai atu ki a koutou i se aso penei,

‘A te fenua tenei ko to foliki —

A matou e manako ki ne koga tai lasi aka mo omotou nofo!’

21Tena la, ka fai aka koe ki a koe eiloa penei,

‘Ko oi ne fanau ne ia a tamaliki konei kae aumai ma aku?

Aku tamaliki ne galo kae e seki tau o maua

Ne au ne tamaliki ke tokouke penei.

Au ne ave fakapagota kae ne afuli keatea —

Ko oi ne tausi aka ne ia a tamaliki konei?

Au ne tiakina mai e tokotasi eiloa au,

Ne o'mai mai fea a tamaliki konei?’ ”

22A te Aliki sili ne fai mai ki tino o tena fenua penei:

“Ka kalaga au ki malo

Kae ka aumai ne latou otou tamaliki

Ki te lotou fenua.

23A tupu ka pela me ne tamana ki a koutou;

A tupu fafine ka pela me ne matua.

Ka ifo atu latou ki a koutou kae fakaaloalo atu ki a koutou;

Ka fakaasi atu te lotou fakaaloalo ki a koutou mo te ava lasi.

Tena la, ka iloa ei ne koutou i a au ko te Aliki;

So se tino e fakalagolago mai ki a au

E se mafai o se fesoasoani au ki ei.”

24E mafai ne koe o fao malo a mea a se sotia?

E mafai ne koe o fakasao mai se pagota mai i lima o se pule saua?

25Ne tali mai te Aliki penei,

“Tena eiloa te mea ka tupu.

A pagota a te sotia ka puke o ave keatea,

Ka ko mea a te pule saua ka fao mai i a ia.

Ka taua atu au ki so se fili tela e taua ki a koutou,

Kae ka fakasao ne au otou fanau.

26Ka fai ne au a tino kola e pule fakasaua i

A koutou ke fakatau tamate latou ne latou eiloa;

Ka ko'na latou kae fia tatino mo te kaitaua.

Tena la, ka iloa ei ne tino katoa i a au ko te Aliki,

Ko au ne fakasao kae fakasaoloto ne au koutou.

Ka iloa foki ne latou i au ko te Atua malosi o Isalaelu.”