ESEKIELU 22 - Tuvalu Revised Bible

Ko Agasala a Ielusalema

1A te Aliki ne faipati mai ki a au,

2ana muna, “Te tagata ola, e a, ko toka koe o fakamasino a te fa'kai tenei e fonu i tino tatino? Fakaasi atu ke iloa ne ia a mea mataga katoa kola ne fai ne ia.

3Fai atu aku muna konei ki te fa'kai tena: Ona e tokouke a tino o te otou fenua ne tamate ne koutou, kae ne fakalailai foki otou foitino i te tapuaki atu ki tupua, tela la, a te otou taimi ko se mao.

4A koutou ko agasala i te taga o tino kona, kae ko lailai foki ona ko tupua ne faite ne koutou, tela la, a te otou aso ko pili mai, ko palele te taimi o koutou! Tena te mea ne talia ei ne au a malo ke fakalili atu ki a koutou, mo fenua katoa ke fakamasei olotou mata ki a koutou.

5A fenua pili mo fenua mao ko fakamasei olotou mata ki a koutou ona ko te otou soli tulafono.

6A takitaki katoa o Isalaelu e fakatuaga ki te lotou malosi, kae e tatino.

7 ko pela me ne leona kola e fakatau gulu i luga o manu ne tamate ne latou. Ne tamate ne latou a tino, puke a tupe mo mea katoa e mafai o puke ne latou, kae ko te tatino a latou ko ala ei o tokouke a fafine ko mate olotou avaga.

26Levi 10.10 A faitaulaga ko ofa ne latou taku tulafono kae ko se ava ki mea kola e malu. Ko se fakakese ne latou a mea kola e tapu mo mea se tapu. Ko se akoako ne latou te kese o mea ma mo mea lailai i feitu fakatapuakiga, kae ko se saga foki ki te Sapati. Tela la, a tino Isalaelu ko se ava mai ki a au.

27A ofisa o te malo ko pela me ne kuli vao kola e saesae olotou manu ne tamate. Ko tatino ko te mea ke maumea latou.

28A pelofeta ne funa ne latou a agasala kona, e pela me se pui tela e vali ne tino ki te lase. E lavea ne latou a fakaasiga loi kae fai valoaga se tonu. E fai latou pela me ko muna a te Aliki Sili kola e faipati atu ne latou, ka ko au, te Aliki, e seki faipati atu eiloa ki a latou.

29A tino maumea e fakaloiloi kae fao ne latou a mea a tino. E fai fakamasei ne latou a tino mativa kae se fai fakalei a tino fakaatea.

30Ne sala ne au se tino e mafai o faite ne ia se pui, tela e mafai o tu i koga o te pui ne maofa o pulu te fenua i te taimi ka fakamasei ei ne au i toku kaitaua, kae e seai se tino ne maua ne au.

31Tela la, ka fakaoko atu eiloa toku kaitaua ki a latou, kae ka ta fakapalele ne au koutou pela me se afi, ona ko mea a koutou ne fai.” Ko te Aliki Sili tena ne faipati atu.