SALAMO 99 - Tuvalu Revised Bible

Te Atua te Tupu Sili

1 Eso 25.22 A te Aliki ko te tupu;

A tino ko polepole i te ma'taku.

E sagasaga a ia i luga i tena nofogaaliki i te va o kelupi,

Ka ko te lalolagi ko galulu.

2A te Aliki e malosi i Siona;

E pule a ia i malo katoa.

3Ka 'viki tino katoa ki tena igoa 'malu mo te sili.

E tapu foki a ia!

4Te tupu malosi, e fiafia koe ki te mea tonu;

Ko oti ne tuku atu ne koe a te fai mea tonu ki Isalaelu;

Ko oti foki ne tuku mai ne koe a te amiotonu mo te lei katoatoa.

5Viki atu ki te Aliki te Atua o tatou;

Tapuaki atu i mua o tena nofogaaliki!

E tapu a ia!

6A Mose mo Alona ko ana faitaulaga,

Ka ko Samuelu ko te sua tino tokotasi tela e 'talo sale ki a ia;

Latou katoa kona ne kalaga ki te Aliki,

Kae ne tali mai a ia ki a latou.

7 Eso 33.9 Ne faipati mai a ia ki a latou mai te pou kaumana;

Ne talia ne latou a tulafono mo fakatonuga mai i a ia.

8Te Aliki toku Atua, ne tali mai koe ki te kalaga o tou fenua;

Ne fakaasi ne koe ki a latou i a koe se Atua fakamagalo agasala,

Kae tela la, ne taui atu ne koe ki a latou olotou agasala.

9Viki atu ki te Aliki te 'tou Atua,

Kae tapuaki atu i tena mauga tapu!

A te Aliki te tou Atua e tapu a ia.