1Ne olo atu a tino Isalaelu ki a Tavita i Hepelona, kae fai atu ki a ia penei, “A matou ko kaiga tonu o koe, ko ou kano mo ou toto.
2I aso mua, koi tupu ei a Saulo, ne taki ne koe a Isalaelu i te taua, kae ne tauto atu te Aliki tou Atua ki a koe me ka taki ne koe tena fenua, kae fai foki koe mo takitaki o latou.”
3Tena la, ne o'mai katoa a takitaki o Isalaelu ki te Tupu ko Tavita i Hepelona. Ne fai ne ia se feagaiga fakataugasoa mo latou, ne faū ne latou a ia, tena ne fai ei a ia mo tupu o Isalaelu, e pela eiloa mo te tautoga a te Aliki ki a Samuelu.
4 Ne fakaaoga ne ia tena tao o taua mo te toluselau tagata, kae ne tamate katoa ne ia i te taua a latou tena.
12A te sua tino o “Te Tokotolu” ko Eleasalo, te tama tagata a Toto, mai i te kaukaiga o Ahoi.
13Ne taua a ia i tafa o Tavita i te taua mo te kau Filisitia i Pase Tamime. A ia e nofo i te fatoaga kalite i te taimi ne kamata ei o tele te kau Isalaelu,
14tena la, ne tu eiloa a ia mo tena kau i te kogāloto o te fatoaga kae taua ki te kau Filisitia. Ne avatu ne te Aliki ki a ia a te manumalo.
15I te aso e tasi, ne olo atu te tokotolu mai i te tino tolu sotia takitaki ki te kaupapa tela e nofo ei a Tavita, i tafa o te ana o Atulama, ka ko tagata Filisitia e manava i te Vanu o Lefaima.
16I te taimi tena, a Tavita e nofo i luga i te fa'kai fakaolo i luga i te mauga foliki, kae e isi se potukau Filisitia ko oti ne puke ne latou a Peteleema.
17Ne masausau Tavita ki tena fa'kai, tena ne fai atu ei a ia penei, “Aku muna eiloa ke isi se tino e aumai ne ia se ipu vai mo oku inu mai i te vaikeli i tafa o te mataloa i Peteleema!”
18Ne olo atu te tokotolu sotia takutakua ki te koga e nofo ei te kau Filisitia, asu mai ne latou ne vai mai i te vaikeli, aumai ei ne latou ki a Tavita. Ka ko Tavita e seki inu ki ei, kae ne ligi ne ia ki lalo e fai mo taulaga ki te Aliki.
19Muna a ia penei, “E se mafai ne au o inu te mea tenei! E pela eiloa me ko inu ne au te toto o tagata konei ne fakamalosi o asu mai te vai i mata o pelu!” Tena la, seki inu eiloa a ia ki ei. Kona a mea ne fai ne te tokotolu e iloga ei te lotou loto toa.
20A te taina o Ioapo ko Apisai, ko te takitaki o“Te Tinotolu Takutakua.” Ne fakaaoga ne ia tena tao o taua mo te tokoselau tagata, kae ne 'ta ne ia, tena la, ne takutakua a ia i“Te Tinotolu.”
21A ia ko te toe tino takutakua eiloa o “Te Tinotolu ” tena ne fai ei a ia mo takitaki o latou, kae e se oko eiloa ki “Te Tokotolu.”
22A Penaia te tama tagata a Ieoiata mai Kapaseele, se sotia takutakua; e uke ana mea ne fai e takutakua ei a ia, e aofia i ei te tamatega ne ia o te tokolua toa o Moapi. E isi se taimi ne fanaifo ei a ia ki lalo i te lua, i aso o te kiona, o tamate te leona.
23Ne tamate foki ne ia te toa Aikupito, e silia atu i te lua mita te loa, kae e isi sena tao lasi eiloa. Ne pago ne Penaia ki te kini, puke ne ia tena tao, kae tamate ne ia ki ei.
24Kona a mea ne fai ne Penaia e takutakua ei a ia. A ia se tino o “Te Tinotolu.”
25A ia e takutakua foki i loto i “Te Tinotolu”kae e se oko eiloa ki “Te Tokotolu.” Ne fakasopo a ia ne Tavita ke pule i sotia tausi a ia.
26-47Konei a igoa o nisi sotia takutakua:
ko Asaelu, te taina o Ioapo
Eleana te tama tagata a Toto mai i Peteleema
Samota mai Halota
Helesa mai Peleta
Ila te tama tagata a Ikesi mai i Tekoa
Apiesa mai i Anatota
Sipekai mai Husa
Ilai mai Ahoi
Malai mai i Netopa
Heleta, te tama tagata a Paana mai Netopa,
Itai, te tama tagata a Lipai mai i Kipea i Peniamina
Penaia mai i Pilatonu
Hulai mai i vanu pili ki Kaasa
Apielu mai i Alapa
Asimaveta mai i Paulima
Eliapa mai i Salepono
Hasema mai i Kisoni
Ionatana te tama tagata a Sake mai i Hala
Aiama te tama tagata a Sakala mai i Hala
Elifala te tama tagata a Hulo
Hefa mai i Mekela
Aita mai i Pelona
Heselo mai i Kalamelu
Nalai te tama tagata a Esepai
Ioelu te taina o Natano
Mipa te tama tagata a Hakili
Seleka mai i Amoni
Nahalai, te tino e pukepuke meatau a Ioapo mai i Pelota
Ila mo Kalepa mai i Iatila
Ulia te Heti
Sapata te tama tagata a Alai
Atina te tama tagata a Sisa, se takitaki i te matakaiga o Leupena, mo tena kau e tinotolu
Hananu te tama tagata a Maaka
Iosefata te Mitana
Usia te Asetela
Siama mo Ieielu, tama tagata a Hotama mai i Aloela
Ietiaelu mo Ioa, tama tagata a Semeli, mai i Tisa
Elielu mai Mahava
Ielipai mo Iosavia, tama tagata a Elenama
Itama mai i Moapi,
Elielu, Opeta mo Iasieli mai i Sopa.
Who We AreWhat We EelieveWhat We Do
2025 by iamachristian.org,Inc All rights reserved.
