1Ne tele a Tavita mai Naiota i Lama, fanatu ei ki a Ionatana. Ne fesili atu a ia ki a Ionatana, “Se a taku mea ne fai? Se a taku agasala ne fai? Se a te mea 'se ne fai ne au ki tou tamana tenei ko manako ei o tamate au?”
2Ne tali atu Ionatana, “A te Atua ke se tuku atu ne ia koe ke mate! A toku tamana e fakailoa mai faeloa ne ia ana mea katoa e fai, faitalia me ne mea aoga io me ne mea se aoga, tela la, e se mafai o funa ne ia te mea tena mai i a au. Se manatu 'se fua tou manatu tena!”
3Kae ne tali atu Tavita, “E iloa lei eiloa ne tou tamana i a koe e fiafia mai ki a au, tela la, e seki fakailoa atu ne ia ki a koe ana fuafuaga ne fai, i a koe ma fanoanoa. Au e tauto atu ki a koe i te igoa o te Aliki ola, i a au nei ko se mao eiloa mai te mate!”
4Muna a Ionatana, “Ka fai ne au so se mea e manako koe ke fai ne au.”
5
15 tela la, fano o muni i te koga foki tela ne muni ei koe i te taimi mua, i tua o te faka'tuga fatu i kona.
20Ka sana atu ne au ne matasana e tolu ki te fakatuga fatu tena.
21Kae ka uga ne au taku tavini ke fanatu o puke mai, kafai e fai au ki a ia penei, ‘Kiloke, a matasana kola i tou feitu mai, fano o puke mai,’ ko tena uiga e seai se mea e tau o mataku koe ki ei, ko vau ei koe ki tua. Au e tauto eiloa i te igoa o te Aliki ola me ka seai se mea e tupu ki a koe.
22Kae kafai e fai atu a au ki a ia penei, ‘A matasana kola i tou feitu atu,’ ko tena uiga ko 'tau koe o fano ki se koga mao, i te Aliki ko uga ne ia koe ke tele o muni i se koga mao.
23Kae e pela mo te feagaiga a taua ne fai, ko te Aliki ka onoono mai ke tausi eiloa ne taua ki te se gata mai.”
24Tena, ne muni ei a Tavita i fatoaga. I te aso o te Kaiga o te Masina Tu, ne vau te Tupu ko Saulo ki te kaiga,
25sagasaga ei i tena koga masani, faii ki te 'pui. Ko Apinelu e tafa atu ki a ia, ka ko Ionatana e fakafesagai mai ki a ia. A Tavita e galo mai i tena nofoga,
26kae seki ai se pati a Saulo e uiga ki te se oko atu o Tavita, me e mafaufau aka pela me kaati e isi se mea ne tupu ki a Tavita tela ko se 'ma ei a ia.
27I te sua aso, mai tua o te Kaiga o te Masina Tu, a Tavita e galo foki eiloa, tena ne fesili atu ei a Saulo ki a Ionatana penei, “Ai a seki vau ei Tavita i te kaiga anafi penei foki te aso nei?”
28Ne tali atu Ionatana, “Ne fakamolemole mai ki a au ke tuku atu a ia ke fano ki Peteleema.
29Ne fai mai penei, ‘Fakamolemole tuku mai au ke fano i toku kaiga e fakamanatu nei ne latou te 'kaiga o te faiga o taulaga i te fa'kai, i toku taina ne fakatonu mai ke oko atu au. Tela la, kafai koe ko toku taugasoa, tuku mai au ke fano.’ Tena te mea e galo mai ei i tena nofoaga.”
30Ne kaitaua Saulo ki a Ionatana, kae fai atu penei, “A koe se tama masei fua! Ko iloa nei ne au i a koe e kau i a Tavita, tena ko fakamasiasi ei ne koe a koe eiloa, pela foki mo tou matua!
31E seiloa ne koe i a koe e se mafai o fai mo tupu o te fenua tenei mafai e ola Tavita? Fano nei o aumai Tavita ki konei; e tau eiloa o tamate!”
32Ne tali atu Ionatana, “Ai a e tau ei Tavita o mate? Se a tena mea 'se ne fai?”
33Ne kaitaua Saulo i muna kona a Ionatana, tena ne velo ei ne ia Ionatana ki te tao ke mate, kae iloa aka ei ne Ionatana i a Saulo ko oko eiloa te manako o tamate Tavita.
34Ne tu aka Ionatana mai te taipola, seki kai eiloa i te aso tena, tela ko te lua o aso o te Kaiga o te Masina Tu. Ko oko eiloa te alofa o Ionatana ki a Tavita i a Saulo ne faipati se 'lei ki ei.
35I te taeao o te sua aso, ko Ionatana eiloa ko fanatu o fakafetaui ki a Tavita i fatoaga, e pela eiloa mo te la tonu ne fai. Ne puke mai ne ia se tamaliki tagata ke olo mo ia
36kae fai atu ki ei penei, “A koe e tele o sala mai a matasana konei e sana ne au.” Tena ne tele atu te tamaliki, kae ne sana ne Ionatana te matasana ki mua atu o te tamaliki.
37I te okoatuga o te tamaliki ki te koga ne to ei te matasana, kae pakalaga atu mo Ionatana ki a ia penei, “A te matasana tena loa e to ki mua atu!
38Sa tu mai i kona, kae fakavave!” Ne puke aka ne te tamaliki te matasana, foki atu ei ki a Ionatana,
39kae seiloa lele eiloa ne ia te uiga o te mea tena ne fai; ko Ionatana fua mo Tavita e malamalama i te mea tena.
40Ne tuku atu ne Ionatana ana mea tau ki te tamaliki kae fai ki ei ke foki atu ki te fa'kai.
41I te fanoga o te tamaliki, kae tu aka mo Tavita mai tua o te faka'tuga fatu, totuli ki lalo kae ifo fakatolu ki te laukele. Ne tagi; kae sogi fakamavae laua; e silia atu te fanoanoa o Tavita i lo Ionatana.
42Tena ne fai atu ei a Ionatana ki a Tavita penei, “A te Atua ke fakatasi atu ki a koe. A te Aliki ka onoono mai ke tausi ne taua mo tino i ta gafa, ki te se gata mai, a te feagaiga tapu a taua ne fai i te va eiloa o taua.” Tena ne fano ei Tavita, kae foki atu ei a Ionatana ki te fa'kai.
Who We AreWhat We EelieveWhat We Do
2025 by iamachristian.org,Inc All rights reserved.
