1 SAMUELU 28 - Tuvalu Revised Bible

1I se taimi fakamuli ifo, ne maopoopo te kautau Filisitia o taua ki Isalaelu, tena ne fai atu ei a Akisa ki a Tavita penei, “Kaati e malamalama eiloa koe i a koe mo tau kau e kau tasi tatou.”

2Ne tali atu Tavita, “Ao; au ko tau tavini, kae ka matea ne koe te mea e mafai ne au o fai.”

Muna a Akisa, “Ko 'lei! Ka fai ne au a koe ke fai mo leoleo tumau o oku.”

Saulo ko Fano ki te Tino Fakataulaitu

3 Ai a e taumafai ei koe o malei au, ke po fua au ko tamate ei au?”

10Ka ko Saulo ne fai tena tautoga ki ei. Muna a ia ki te fafine, “I te igoa o te Aliki ola, au e tauto i a koe e se fakasala manafai e fai ne koe te mea tenei.

11Ne fesili atu te fafine, “Ko oi e manako koe ke avaka ne au?”

Ne tali atu Saulo, “Ko Samuelu.”

12I te laveaga ne te fafine a Samuelu, ne pakalaga a ia ki luga kae fai atu ki a Saulo, “Ai a e fakatogafiti ei ne koe a au? A koe ko Saulo te Tupu!”

13Muna a te tupu ki a ia, “Sa mataku! Se a tau mea e lavea?

Ne tali atu te fafine, “E matea ne au te agaga e fanake mai te laukele.

14Ne fesili atu Saulo, “E pefea ona foliga?”

Ne tali atu te fafine, “Se toeaina tenei e fanake. E pei ki te gatu loa.”

Tena ne iloa aka ei ne Saulo me ko Samuelu, tena ne punou ifo ei a ia ki te laukele o fakaaloalo ki ei.

15Muna a Samuelu ki a Saulo, “Ai a e kosu ei ne koe a au? Ai a e toe fakafoki mai ei ne koe a au?”

Ne tali atu Saulo, “Au ko maua ne te fakalavelave! A matou nei e taua mo te kau Filisitia, ka ko te Atua ko tiakina ne ia a au. Ko se tali mai eiloa a ia ki a au, e auala i pelofeta io me ko moemiti. Tena la, ne kalaga atu au ki a koe ke fakaasi mai te mea e tau o fai ne au.”

16Muna a Samuelu, “Ai a e kalaga mai ei koe kia au manafai ko oti koe ne tiaki ne te Aliki, kae ko fai fili foki ki a koe?

171Samu 15.28 A te Aliki ko oti ne fai ne ia ki a koe a te mea ne fai atu ne ia ki a koe e auala i a au: ko oti ne puke ne ia te malo mai ou lima o tuku ki a Tavita.

181Samu 15.3-9 A koe ne seki fakalogo ki te fakatonuga a te Aliki ke ta fakapalele tino Amaleka, kae fakama'sei olotou mea katoa. Tena te mea ko fai ei ne te Aliki te mea tenei ki a koe.

19Ka tuku atu ne ia a koe mo Isalaelu ki te kau Filisitia. Taeao, a koe mo au tama tagata ka o'mai ki te koga tenei e nofo ei au, ka ko te Aliki ka tuku atu ne ia te kautau a Isalaelu ke fakatakavale ne te kau Filisitia.”

20I kona eiloa, ko Saulo eiloa ko siga ki lalo kae takato i te laukele, me ko mataku i te mea ne fai mai ne Samuelu. Ko oko eiloa i ona vaivai, me e seki kai eiloa i te aso katoa tena, pela foki te po katoa.

21Ne fanatu te fafine tena ki ei kae lavea ne ia me ko oko eiloa i te mataku, tena ne fai atu ei a ia ki a Saulo penei, “Tou malu, fakamolemole, au ne ofo toku ola o fai te mea ne manako koe ki ei.

22Nei, fakamolemole, fai te mea e fai atu ne au. Nofo mai ke fakatoka atu ne au ne meakai ma koe. A koe e tau o kai ke malosi koe o fano i tau malaga.”

23Ne se talia ne Saulo kae fai aka pela i a ia e se kai eiloa ki se mea. Ka ko ana ofisa e fai eiloa ki ei ke kai. Tena ne loto ei a ia ke kai. Ne tu ake a ia mai te laukele, sagasaga ei i luga i te moega.

24Ne ta fakavave ne te fafine te tama pulumakau tela ne fagai sale ne ia. Oti aka, puke mai ei ne ia ne falaoa o palu kae tao ne ia seai se isi e fai ki ei.

25Tena ne laulau atu ne ia a meakai i mua o Saulo mo ana ofisa, tena ne 'kai eiloa latou. Ne olo foki eiloa latou kona i te po tena.