IOELU 2 - Tuvalu Revised Bible

A Sē Akelise ko te Fakailoaga o te Aso o te Aliki

1Ili te pu; fakatagi aka te pu i Siona,

Te mauga tapu o te Atua.

Pole'pole, koutou tino o Iuta!

A te Aso o te Aliki ko pili o oko mai.

2A te aso tena ka pouli, kae se aso uli patoitoi kae kaumanā.

A lafu sē akelise ko olo ki mua e pela me se pouliga i luga i mauga.

E seki tupu eiloa se vaega mea penei i aso mua,

Kae ka se toe ai foki i aso fakamuli.

3E kai ne latou a lakau e pela me ne ka i se afi.

I olotou mua, a te laukele e pela eiloa mo te Fatoaga i Etena,

Kae i olotou tua, ko pela me se toafa.

E seai eiloa se mea e sao mai ia latou.

4 Ko oti ne ligi ifo ne ia te vaiua i te tau moko mō koutou

Mo te vaiua o te tau muakiga e pela mo taimi mua.

24A koga tuki saito ka fonu i saito;

A lua i tafa o koga'tau vine ka fonu maligiligi i uaina mo sinu olive.

25Ka faka'foki atu ne au a otou mea ne galo i tausaga kola ne kai ei ne sē akelise a otou lakau kaina.

Ko au ne uga atu ne au te kautau kona ki a koutou.

26Ka uke a mea e kai ei koutou.

Ka ma'lie koutou.

Ka viki atu koutou ki te Aliki te otou Atua,

Tela ne fai ne ia a mea fakaofoofogia mō koutou.

A toku fenua ka se toe itagia ne tino.

27Tena, ka iloa ei ne koutou, e Isalaelu,

I au e nofo tasi mo koutou.

Ka iloa foki ei ne koutou i a au, te Aliki,

Ko te otou Atua kae seai aka foki.

A toku fenua ka se toe itagia ne tino.

Ko te Aso o te Aliki

28“Fakamuli ifo, ka tuku atu ne au toku agaga ki a koutou katoa;

A otou tama tagata mo tama fa'fine ka takutaku atu ne latou taku fekau;

A otou toeaina ka fai moemiti,

Ka ko otou tamataene ka oko ki a latou a fakaasiga.

29I te taimi tena, ka tuku atu foki ne au a toku agaga

Ki luga i tavini tagata mo tavini fafine.

30“Ka tuku atu ne au a fakailoga o te aso tena i luga i te lagi,

Pela foki i te lalolagi;

Ka isi ne fakamaligiga toto, te afi, mo kaumana au.

31 Mata 24.29; Male 13.24,25; Luka 21.25; Faka 6.12,13 Ka pouli te la,

Ka ko te masina ka 'kula pela me se toto

I mua o te taimi e oko mai ei te aso fakamataku o te Aliki.

32 Galu 2.17-21 Loma 10.13 Ka ko latou kola e ka'laga ki te Aliki mō se fesoasoani ka faka'sao.

E pela mo muna te Aliki ne fai,

‘Nisi i Ielusalema ka sola;

A latou kola ne filifili ne au ka ola.’ ”