1Ne fakamāvae matou mo latou, olo ei matou. Tele ei te motou vaka, fano tonu atu eiloa ki te fenua e igoa ki a Ko. Taeao ake, ko oko atu matou ki Lotesi, kae mai Lotesi fano ei matou ki Patala.
2Ne maua atu ne matou i kona a te vaka ka fano ki Foinikia, tela, 'sopo ei matou ki luga, ko te mea eiloa ko fano te vaka.
3I te motou okoatuga ki te kogatai tela ne lavea 'lei ei ne matou a Kupelu, i te feitu fakamaui, fakatafatafa ei te motou vaka i te feitu ki saute o fano ki Sulia. Ne olo ake matou ki uta i Tulo, me laku i kona tena uta.
4Ne maua ne matou i kona a nisi tino talitonu, kae ne 'nofo matou i ei e tusa mo se vaiaso e tasi. Ona ko te mana o te Agaga Tapu, tela, fai atu ei latou ki a Paulo ke sa fano ki Ielusalema.
5I te palelega omotou aso i kona, tuku ei ne matou te koga tena kae fano te motou malaga. Olo tasi ei matou mo latou, mo olotou avaga pela foki mo tamaliki, ke oko eiloa ki tua o te fa'kai. Ne totuli katoa matou i te tafatai kae 'talo.
6Fakamavae ake matou ki a latou, 'sopo ei matou ki luga i te vaka, kae 'foki ei latou ki olotou fale.
7I te motou malaga mai Tulo, ne oko atu matou ki Tolumai, fetaui ei matou mo taina talitonu i kona. Ne 'nofo matou i kona i te aso e tasi.
8 ko Masoni mai Kupelu; se tino talitonu mai mua eiloa.
Ko Asi atu a Paulo ki a Iakopo17I te motou okoga ki Ielusalema, ne talia matou ne latou mo te fiafia.
18Taeao ake, olo ei matou mo Paulo o asi atu ki a Iakopo; kae ne 'nofo mai foki i ei a toeaina katoa o te Ekalesia.
19Ne fakatalofa Paulo mo latou, kae ne tala atu ne ia a te tala katoatoa, o mea katoa ne fai ne te Atua i fenua fakaatea e alatu i tena galuega.
20I te otiga ne fakalogo'logo latou ki ana tala, 'viki ei ki te Atua. Fai atu ei latou ki a Paulo: “Taina, tena eiloa e lavea ne koe. E tokouke tino Iutaia ko fai mo tino talitonu, ka ko oko eiloa i te lotou tausi fakamaoni ki Tulafono a Mose.
21Ko oti ne fakailoa atu ki ei me ne akoako ne koe tino Iutaia katoa kola e 'nofo i fenua fakaatea, ke tiakina te Tulafono a Mose, ke se pelitomegina foki olotou tamaliki, io me tau'tali atu i tu faka-Iutaia.
22Nei, ko lagona tonu ne latou i a koe ko oko mai. Se a la te mea ka fai nei?
23 E fakamaonia ei me se tonu a tala kola e uiga ki a koe, ko iloa ei ne latou i a koe e tausi eiloa ki Tulafono a Mose.
25Galu 15.29Ka ko fenua fakaatea kola ko fakatuanaki, ko oti ne tusi matou ki ei, me ko tonu i a matou, e se 'tau latou o 'kai ki mea e fai mo taulaga ki tupua, mo te toto, mo manu e 'kumi a ua kae se fakasali te toto, se gata i ei ka ke 'mao foki latou mo amioga ma'sei.”
26Tela, ave ei ne Paulo a tagata konei i te taeaoakega, fai ei ne ia te lotu o te faka'maga. Fano ei Paulo ki te Fale Tapu o faka'pula atu a te aso e oti ei te lotu o te faka'maga, ko te taimi foki tena e fai ei olotou taulaga takitokotasi.
Ko te Pukega Fakapagota o Paulo i te Fale Tapu27Ko tai palele aso e fitu ne faka'pula atu, ka ko lavea atu ne nisi Iutaia mai Asia a Paulo i te Fale Tapu. Ne fakaoso ne latou te vaitino katoa, kae puke ne latou Paulo.
28Ne paka'laga latou, “Tino Isalaelu, fesoasoani mai! Tenei te tagata e fakaakoako ne ia tino katoa ke 'teke atu ki tino Isalaelu, ki Tulafono a Mose, mo te Fale Tapu foki tenei. E se gata i ei, kae tenei foki ko faulu mai ne ia nisi tino o fenua fakaatea ki te Fale Tapu, o fakamasei a te koga tapu tenei!”
29Galu 20.4Ne fai ne latou a pati konei, me ne matea ne latou a Tofimo te Efeso, mo Paulo i te fa'kai. Ne mafaufau ake latou pela, me kati ne ave a ia ne Paulo ki loto i te Fale Tapu.
30A te fa'kai ko ua'te valevale, 'tele tasi atu ei a tino o puke a Paulo o soso mai ki tua mai te Fale Tapu. Ko te taimi tonu foki eiloa tena ne 'pono katoa ei a mataloa o te Fale Tapu.
31Ko taumafai latou o tamate a Paulo, i te taimi ne logo ei te pule o te kautau a Loma, i a Ielusalema katoa eiloa ko ua'te valevale.
32I te taimi eiloa tena, ne 'tele atu a te pule mo nisi ofisa mo sotia ki te mumuga tino. I te mateaga ne tino a te pule mo sotia, taofi ei te tāga o Paulo.
33Ne fanatu tonu eiloa a te pule ki a Paulo, puke fakapagota kae fakatonu atu ke pikifao ki te ava filifili, ana muna: “Ko oi te tagata tenei, kae ne a foki ana mea ne fai?”
34Ne ka'laga valevale fua mai a nisi mai te mumuga tino ki te mea tenei. Ona ko te 'numi valevale o mea i te taimi tena; ko se iloa ei ne te pule a te mea tonu ne tupu. Fakatonu atu ne te pule ana tagata ke ave Paulo ki loto i te olo.
35I te okoga eiloa ki te kakega, amo ei ne sotia a Paulo, i te mea ko to malosi te ita o tino.
36Ne tau'tali mai i ona tua a te vaitino, kae ka'laga eiloa ki luga, “Tamate!”
Ko Taumafai a Paulo o Fakasao a ia ne ia eiloa37I te taimi tela ka avatu ei ne latou a Paulo ki loto i te olo, ne faipati atu a Paulo ki te pule penei: “Fakamolemole, e mafai o faipati atu au ki a koe?” Kae fesili atu te pule: “E iloa ne koe o faipati faka‐Eleni?
38E se ko koe te Aikupito tela ne fakatupu fakalavelave i aso kola, kae takitaki ne koe a sotia e fa afe ki te vao?”
39Ne tali mai Paulo, “Au se Iutaia, ne fanau i Taso i Kilikia. Se tino o te fa'kai takutakua. Fakamolemole, tuku mai au ke faipati ki tino.”
40Ne talia ne te pule, tela tu ake ei Paulo ki luga i te kakega, kae fakatu atu tona lima ki tino. Filemu ei latou, tela faipati atu ei Paulo ki a latou faka‐Epelu, ana muna:
Who We AreWhat We EelieveWhat We Do
2025 by iamachristian.org,Inc All rights reserved.
