ESEKIELU 47 - Tuvalu Revised Bible

Ko te Vaitafe Foliki e Tafe mai i te Faletapu

1

14Au ne tauto fakamaoni eiloa ki otou tupuga me e avatu ne au mo latou a te fenua tenei; tela la, vaevae nei fakapau i a koutou.

15“A te tuakoi i matu e fano fakatu‐saegala, mai i te Tai Metitilani ki te fa'kai o Hetiloni, ki te Auala o Hamata, ki te fa'kai o Setata,

16ki fa'kai o Pelota mo Sipilaima (a fa'kai kona e tu i te va o te koga laukele o te malo o Tamaseko mo te malo o Hamata), ke oko ki te fa'kai o Takono (e tu i tafa o te tuakoi o te malo o Haulana).

17Tela la, a te tuakoi ki matu e fanatu mai i te Metitilani o fano faka‐te‐saegala ki te fa'kai o Enoni, ka ko tuakoi o Tamaseko mo Hamata e tai tu ki matu.

18“A te tuakoi i te saegala e fano faka saute, mai i te koga koga i te va o te koga laukele o Tamaseko mo Halana, ka ko te vaitafe o Iolitana ko te tuakoi i te va o Isalaelu i te togala mo Kileata i te saegala, ke oko atu eiloa ki Tamala i te Tai Mate.

19“A te tuakoi i saute e fano faka saute togala, mai i Tamala ki te laukele o Katesa, ko fano ei faka matu togala i te tuakoi o Aikupito ke oko ki te Tai Metitilani.

20“A te tuakoi i te togala ko te Tai Metitilani, kae e fanatu eiloa ki matu ki te kogā koga i te feitu ki te togala o te Auala o Hamata.

21“Vaevae a te fenua tenei i otou matakaiga;

22ko te tofi tumau eiloa o koutou tena. A tino fakaatea kona e nofo tasi koutou kae ne fanafanau i kona, e tau foki o maua se vaega o latou i te fenua manafai ko vaevae ne koutou. E tau o fai ne koutou pela eiloa me ne tino Isalaelu kae e kau foki, fakatasi mo matakaiga o Isalaelu, i te vili tena e fai ne koutou mo te vaevaega o te fenua.

23A tino fakaatea kona ko nofo tumau, ka maua te vaega o latou fakatasi mo tino i te matakaiga tela e nofo latou i ei. Ko au, te Aliki Sili, tena ne faipati atu.”