1I te palelega ne faite ne te Tupu ko Solomona a te Faletapu mo te palesi mo mea katoa ne manako a ia o faite,
2 ka ko tino kola e faka'sili i ona tafa ka 'poi kae ofo. Ka fesili aka latou penei, ‘Ai a ko fai ei ne te Aliki se mea penei ki te Faletapu tenei mo te fenua tenei?’
9Ka tali atu a nisi tino penei, ‘Me ne fulitua atu latou ki te Aliki te lotou Atua tela ne aumai ne ia latou keatea mai Aikupito. Ko 'saga atu eiloa latou o tapuaki atu ki nisi atua fakaatea. Tena te mea ko aumai ei ne te Aliki te puapuaga tena ki luga i a latou.’ ”
Ko te Feagaiga a Solomona mo Hilamo(2NTupu 8.1-2)10E tusa mo te luasefulu tausaga ne faite ei ne Solomona te Faletapu mo tena palesi.
11A lakau ko alasi mo paina mo aulo katoa kola e manakogia mō te galuega ne aumai katoa ne Hilamo, te Tupu o Tulo. I te palelega o te Faletapu mo tena palesi, tuku ei ne te Tupu ko Solomona e luasefulu fa'kai i te laufenua o Kalilaia ma Hilamo.
12Ne fano Hilamo o kilo ki fa'kai kona, kae ne seki fiafia ki ei.
13Tena ne fai atu ei a ia ki a Solomona penei, “Toku taina, kona a fa'kai ne tuku mai ne koe mo oku!” Tena te mea e fakaigoa ei a te kogā laukele tena ko Kapulo.
14A aulo ne ave ne Hilamo ma Solomona e tusa mo te fa afe kilokalame.
Ko Nisi Mea aka a Solomona ne fai(2NTupu 8.3-18)15Ne fakagalue ne te Tupu ko Solomona a pologa i te faitega o te Faletapu mo te palesi, pela foki mo te faka'fonuga o te laukele ki te feitu ki te saegala o te fa'kai, pela foki mo te faitega o te 'pui o te fa'kai. Ne fakagalue foki ne Solomona a pologa i te toe faitega o fa'kai o Hasola mo Mekito mo Kesela.
16A te fa'kai o Kesela ne fao malo ne te tupu o Aikupito, 'ta aka a tino i ei kae sunu ne ia te fa'kai. Oti aka, tuku ei ne ia ke fai mo meaalofa a ia ki tena tama fafine i te faipoipoga mo Solomona, tena,
17kae ne toe faite faka'lei ne Solomona. Ko pologa foki kona a Solomona ne toe faite ne latou a te feitu ki lalo o Peta Holono,
18mo Palata, Tamala i te vao o Iuta,
19ko fa'kai e 'teu ei ana mea'kai, ko te fa'kai e tuku ei ana solofanua mo kaliota, mo nisi mea ake kola e manako a ia o faite i Ielusalema i Lepanona mo so se koga i tena malo.
20A tena kau galue kola e galue fakapologa, ko tino mai i te gafa o tino Kanana kola e seki tamate ne tino Isalaelu i te taimi ne puke ei ne latou te fenua o Kanana.
21E aofia i tino konei a tino Amoli, tino Heti, tino Pelise, tino Hivi, mo tino Iepuse; ko tino mai olotou gafa ne tumau eiloa o fai mo pologa ke oko mai eiloa ki aso konei.
22A tino Isalaelu e seki fakapologa ne Solomona, kae ne tofi ke fai mo sotia, ofisa, takitaki o kautau, kapeni o kaliota, mo tino i solofanua.
23E tusa mo te limaselau limasefulu ofisa e takitaki i te kau pologa kola e faite ne latou a mea e manako ki ei a Solomona.
24A te laukele ki te feitu ki te saegala o te fa'kai ne faka'fonu ke laugatasi ne Solomona, i te otiga ne fakamasiki atu a tena avaga, te tama fafine a te tupu o Aikupito, ki te palesi tela ne faite ne Solomona mō ia.
25 Eso 23.17; 34.23; Teu 16.16 E fakatolu taimi i te tausaga e ofo sale ei ne Solomona ana taulaga sunu mo taulaga fakafetai i luga i te fata-fai-taulaga tela ne faite ne ia mō te Aliki. E sunu foki ne ia a mea ma'nogi ki te Aliki. Tena, ne palele faka'lei ei te faitega ne ia a te Faletapu.
26Ne faite foki ne Solomona a vaka i Esionikepa i tafa o Elata, i te matafaga i te Mataosoga o Akapa, i te fenua o Etoma.
27Ne uga mai foki ne te Tupu ko Hilamo a nisi o ana kauvaka kola ko masani, ke galue fakatasi mo tagata a Solomona.
28Ne ma'laga atu latou i olotou vaka ki te fenua o Ofeila, kae foki mai ki a Solomona mo te sefulufa afe kilokalame o aulo.
Who We AreWhat We EelieveWhat We Do
2025 by iamachristian.org,Inc All rights reserved.
