IOSUA 14 - Tuvalu Revised Bible

Ko te Vaevaega o te Fenua ki te Togala o te Iolitana

1E penei te vaevaega o te fenua o Kanana tela i te feitu ki te togala o te Iolitana i matakaiga o Isalaelu. Ko Eleasalo te faitaulaga, Iosua te tama a Nuno, mo takitaki o kaiga takitasi o Isalaelu ne fai ne latou te vaevaega.

2

3-4Nume 32.33; 34.14,15; Teu 3.12-17 A te laukele i te feitu ki te saegala o te Iolitana ko oti ne tuku ne Mose ki te sua lua mo te afa matakaiga, kae ko te matakaiga o Levi e seai se vaega ne tuku ne ia mo latou. Kae, ne maua ne latou a fakai lasi mo olotou nofo, mo laukele moukua mo tausi olotou mamoe mo pulumaka.

5Tena, ne vaevae eiloa ne tino Isalaelu a te fenua e pela mo te fakatonuga a te Aliki ki a Mose.

A Hepelona ko Tuku mō Kalepo

6 Nume 14.30 I te aso e tasi, ne olo atu a nisi tino mai te matakaiga o Iuta ki a Iosua i Kilikala. E tokotasi mai i a latou, ko Kalepo tena igoa, te tama a Iefune te tino Keni, ne fai atu ki a Iosua penei, “E masaua ne koe a muna a te Aliki ne fai i Katesa Paenea ki a Mose, te tagata o te Atua, e uiga ki a taua.

7Nume 13.1-30 I te taimi ne uga ei au ne te tavini a te Aliki tela ko Mose mai Katesa Paenea o sukesuke te fenua tenei, ka ko au i ei ko tusa mo te fasefulu oku tausaga. Ne aumai ne au ki a ia se lipoti tonu.

8A tagata ne olo matou ne fai ne latou a 'tou tino ke ma'taku. Ka ko au ne fakamaoni eiloa o fakalogo ki te Aliki toku Atua.

9Nume 14.24 Ona ko au ne fakalogo, tena ne tauto mai ei a Mose ki a au me ka aumai ne ia ke fai mo tofi o oku mo aku tama, a te fenua tenei ne sasale au i ei.

10Kae nei, kilo mai; ko tusa nei mo te fasefulu lima tausaga talu mai te taimi ne faipati ei te Aliki ki a Mose e uiga ki a au. A taimi kona ko taimi ne olo sale ei a tino Isalaelu i te vao, ka ko te Aliki ne fakaolaola eiloa ne ia a au e pela mo tena tautoga. Kilo mai ki a au! Au nei ko tusa mo te valusefulu lima tausaga te matua,

11ka ko au koi malosi faeloa, pau eiloa mo toku malosi i te taimi ne uga ei au ne Mose ke fai mo tagata lamalama. Au koi malosi eiloa o taua io me fai so se mea.

12Nei la, tuku mai te fenua mauga tela ne tauto te Aliki ke tuku mai mo oku i te aso tela ne fai ei te lipoti a matou e uiga ki te fenua o Kanana. Ne fakailoa atu ne matou i tino mafi kola e igoa ko tino Anaki e nofo i kona i fa'kai lasi kola e isi ne 'pui. Setaumate kaati te Aliki ka fakatasi mai ki a au, ko mafai ei ne au o afuli latou keatea, e pela eiloa mo muna a te Aliki.”

13Ne fakamanuia atu ne Iosua a Kalepo, te tama a Iefune, tuku atu ei ne ia a te fa'kai o Hepelona ke puke mo ia.

14A Hepelona koi nofo eiloa mo te gafa o Kalepo te tama a Iefune te tagata Keni, me i a ia ne fakalogo eiloa ki te Aliki te Atua o Isalaelu.

15Mai mua atu, a te fa'kai tenei o Hepelona e fakaigoa ko Alapa. A Alapa ko te fa'kai taua eiloa o tino Anaki.

I te taimi nei, a te fenua e filemu.