SALAMO 95 - Tuvalu Revised Bible

Ko te Pese Tavae

1O'mai ke tavae ne tatou te Aliki!

Ke ka'laga fiafia tatou ki te Atua tela e tausi ne ia tatou!

2Tou olo atu ki ona mua mo te fakafetai,

Kae usu mo te fiafia a pese o tavaega ki a ia.

3Me i te Aliki ko te Atua malosi,

Ko te tupu malosi i atua katoa.

4E pule a ia i te lalolagi katoa,

E kamata mai i ana tafasili i te 'poko ke oko atu ki mauga tafasili i te maluga.

5E pule a ia i te tai, tela ne faite ne ia;

Mo te laukele foki tela ne fakafua ake ne ia.

6O'mai ke ifo kae tapuaki atu tatou ki a ia;

Ke totuli tatou i mua o te Aliki, tela ne faite ne ia tatou!

7 Epe 3.7-11 Epe 3.15; 4.7 A ia ko te Atua o tatou;

Ka ko tatou ko tino e tausi ne ia,

Ko te lafu mamoe tela e fagai ne ia.

Faka'logo mai ki ana muna i te aso nei:

8 Eso 17.1-7; Nume 20.2-13 “Sa loto makeke, pela mo otou tupuga i te nofoga i Melipa,

E pela foki mo te aso ne iai latou i te vao i Masa.

9I koga kona ne tofotofo mai ei latou ki a au,

Ka ko oti eiloa ne lavea ne latou a te mea ne fai ne au mō latou.

10E fa sefulu tausaga ne takalialia ei au ki tino kona;

Fai atu ei au penei, ‘Ko oko eiloa i te se fakamaoni o latou!

Ko se fia faka'logo latou ki aku fakatonuga.’

11 Nume 14.20-23; Teu 1.34-36; Epe 4.3,5; Teu 12.9,10 Au ne ita, tauto ei au penei: ‘Ka se oko atu koutou ki te fenua tela ka maua ei ne koutou se malologa.’ ”