SALAMO 138 - Tuvalu Revised Bible

Ko te 'Talo Fakafetai

1Ko fakafetai atu au ki a koe te Aliki, mo toku loto katoatoa;

E usu atu ne au ou tavaega i mua o atua.

2E fakasaga atu oku mata ki tou Faletapu,

O ifo atu kae viki atu ki tou igoa, e tusa mo tou alofa tumau mo tou fakamaoni,

Me ko oti ne fakaasi mai ne koe i tou igoa mo au fakatonuga e tafasili i te maluga.

3Ne tali mai koe i te taimi ne kalaga atu ei au,

Ka ko tou malosi ne fakamalosi ei au.

4Te Aliki, a tupu katoa o te lalolagi ka 'viki atu ki a koe,

Me ko oti ne lagona ne latou au folafolaga.

5Ka 'pese atu latou ki te Aliki mo ana galuega ne fai,

Pela foki mo tena 'malu.

6E tiga eiloa tou 'mao ki luga,

E tausi eiloa ne koe a latou kola e loto malalo;

Ka ko latou kola e fakamata'mata

E se mafai o 'muni mai i a koe.

7E tiga eiloa ne nikoi au ne fakalavelave,

Ne puipui eiloa au ne koe.

Ne 'teke atu ne koe oku fili fakamataku,

Kae ne fakasao ne koe au ki tou malosi.

8Ka fai katoa ne koe mea kola ne tauto ei koe ki a au;

Te Aliki, a tou alofa e tumau ke oko ki te se gata mai.

Fakaoti te galuega tela ne kamata ne koe.