1A omotou aulo malapulapu ko gasolo o se malapulapu;
A fatu o te Faletapu ko tafola valevale i auala.
2A tamataene o Siona e pela eiloa me ne aulo i te taua ki a matou,
Kae nei ko pela fua latou me ne tiā fatu se aoga.
3A te kuli vao fafine e atafai eiloa ki ana tama,
Ka ko oku tino ko pela me ne ositelite,
E se fai fakalei ki olotou tama.
4E tiaki fua ne latou olotou pepe ke mate i te fiakai mo te fiainu;
A tamaliki ko olo sale fua o akai ki ne meakai,
Kae seai se tino e avatu ne ia ki a latou.
5A tino kola ne masani o kai ki meakai 'lei
Ko mate fua i auala i te fiakai;
A tino kola ne tupu aka i se olaga maumea ko mate i te fiakai.
6 e tumau te 'ma e pela mo te kiona,
Kae ko oko eiloa i te malosi 'lei.
8Nei ko tafola fua latou i auala,
Olotou mata ko uli me ko mate;
A olotou pakili, kola e malo pela me ne laupapa,
Ko piki ki olotou ivi.
9A tino ne mate i te taua e lei atu i tino ne mate fakamuli,
Kola ne mate eiloa i te fiakai, i te mea ko seai ne olotou meakai ke ola ei latou.
10 Teu 28.57; Eseki 5.10 A te puapuaga ne oko mai ki oku tino ko oko eiloa i te fakamataku;
A matua ko tunu foki eiloa olotou tama fakapalele ke kai.
11Ne fakaoko mai ne te Aliki te katoaga o tena kaitaua;
Ne faka'ka ne ia a te afi i Siona tela ne fakamasei ei Siona.
12E seai eiloa se tino i so se koga, ke oko foki eiloa ki takitaki o nisi malo
E talitonu me mafai ne sose kautau o ulu ki loto i mataloa o Ielusalema.
13Kae ne tupu eiloa te mea tena i ana pelofeta ne agasala,
Mo ona faitaulaga e agasala foki,
Me ko latou ne pogai ei te 'mate o tino seai ne mea 'se a latou ne fai.
14A ona takitaki ko taka'kau sale fua i loto i auala e pela me ne tino 'kivi,
Kae ko fonu fāka eiloa i toto, ko seai se tino e fia fakapatele ki a latou.
15Ne kalaga a tino penei, “Olo keatea!
A koutou e lailai! Sa puke mai ki au!”
Tena ne taka'kau atu eiloa latou mai te malo ki te sua malo
Kae seai eiloa se tino ne tali lei ne ia a latou.
16A te Aliki ko se toe manako ki a latou, ko ia eiloa ne tuku tiaki atu ne ia latou.
E se saga mai foki a ia ki omotou faitaulaga mo takitaki.
17Ne sala matou ki se fesoasoani ke oko eiloa ki te taimi ko
Se maua ne matou o sala te fesoasoani tela e seki oko mai eiloa.
Ne nofo fakatalitali atu eiloa matou ki se fesoasoani
Mai te malo tela e se mafai o fesoasoani mai.
18A omotou fili e kilokilo mai faeloa ki a matou,
Tela la ko se maua foki ne matou o olo sale i auala.
Ko oko mai eiloa te gataga o omotou aso;
Ko oko mai te gataga.
19E afuli ne latou matou, kae makini atu i aeto kola e fakase ifo mai luga i te lagi.
Ne sala ne latou matou i luga i koga maluga;
Kae ne puke faka'poi ne latou matou i loto i te toafa.
20Ne puke fakapagota ne latou te pogai o te ola o matou,
Ko te tupu tela ne filifili ne te Aliki,
Ko ia tela ne fakamoemoe matou ki ei ke puipui ne ia matou mai omotou fili.
21Tino Etoma mo Usa, kata kae fiafia i te taimi tenei koi mafai ne koutou o fiafia pena.
A te puapuaga e oko mai foki ki a koutou;
E oko mai foki te taimi e takasese ei koutou kae nofo fuafua mo te masiasi.
22Ko oti ne fita Siona i ana agasala;
A te Aliki ko se toe taofi ne ia tatou i te tafeaga.
Ka ko koe Etoma, ka fakasala koe ne te Aliki;
Ka fakaasi ne te Aliki a tau agasala.
Who We AreWhat We EelieveWhat We Do
2025 by iamachristian.org,Inc All rights reserved.
