1Tenei te fekau e uiga ki a Papelonia. Ka oko mai te puapuaga mai i se fenua fakamataku, e pela me se vaeosio tela e vau i loto i te toafa.
2E isi se fakaasiga ne lavea ne au e uiga ki mea ne tupu e fakaasi mai i ei a faiga o te se alofa, se fakaasiga o te masei valevale mo te fai togafiti masei.
Te kautau a Elama, taua atu! Te kautau a Metai, nikoigina a fa'kai! Ka fakagata ne te Atua a te puapuaga tela ne kamata ne Papelonia.
3A te mea ne lavea kae lagona ne au i te fakaasiga ko fakafonu ne ia au i te mataku mo te mae, pela mo te mae o te fafine tela ka fai o fanau.
4A toku ulu ko takanimonimo valevale, ka ko au ko polepole eiloa i te mataku. Au ne fakamoemoe ke na oko mai te po, kae tela la, e seai se lei ne aumai ne ia, na ko te mataku fua.
5I te fakaasiga, ko toka te 'kaiga; a laugatu ko oti ne fola mō sagasaga i ei a tino kami. Ko kai kae inu, ko te mea eiloa ko pa mai te kalaga o te fakatonuga; “Ofisa, fakatoka otou talita!”
6Tena, kae fai mai te Aliki ki a au, “Fano o fai ki se sotia ke fano o tu, kae fai ki ei ke lipoti atu a te mea e matea ne ia.
7Kafai e lavea ne ia ne tagata e o'mai i luga i solofanua, e taki tokolua, mo ne tagata i luga i asini mo kamela, fai la ki ei ke onoono faka'lei eiloa a ia ki a latou.”
8Ne kalaga aka te sotia tu penei, “Tou malu, au nei ne tiute i toku tulaga tenei i ao mo po.”
9 Faka 14.8; 18.2 Konei ko o'mai! Tagata i luga i solofanua, e taki tokolua. Ne faipati aka te sotia tu penei, “Papelonia ko se aoga! A tupua katoa kola ne tapuaki latou ki ei ko maofa valevale i te laukele.”
10Toku fenua ko Isalaelu, a koutou ko oti ne kini pela me ne saito, kae nei ko oti ne folafola atu ne au ki a koutou a te tala lei tela ne lagona ne au mai i te Aliki Malosi, te Atua o Isalaelu.
Ko te Fekau e Uiga ki a Etoma11Tenei te fekau e uiga ki a Etoma.
E isi se tino ne kalaga mai ki a au mai i Etoma, “Te leoleo, e oti afea te po? Taku mai me tefea te taimi e oti ei.”
12Ne tali atu au, “Ko pili o ao, ka ko te po e toe foki mai eiloa. Kafai e manako koe o toe fesili, toe foki mai la o fesili.”
Ko te Fekau e Uiga ki a Alapi13Tenei te fekau e uiga ki a Alapi.
A koutou tino o Titana, kola ne fakamanava i te fenua pa o Alapi,
14tuku atu ne vai ki tino fia inu kona e o'mai ki a koutou. Koutou tino o te fenua o Tema, avatu ne meakai ki tino fakaalofa.
15A tino ko 'tele ke sao latou mai i pelu kola ko toka o tamate latou, mai i kausana kola ko toka o sana latou, pela foki mai i mea fakamataku katoa o te taua.
16Tena, kae fai mai te Aliki ki a au penei, “E tasi pau eiloa te tausaga mai i te taimi nei, kae ka gata te takutakua o matakaiga o Ketala.
17A te kau i matasana ko toe tagata toa eiloa o Ketala, kae ka se tokouke i a latou e 'toe mai. Ko au, te Aliki te Atua o Isalaelu, tena ne faipati atu.”
Who We AreWhat We EelieveWhat We Do
2025 by iamachristian.org,Inc All rights reserved.
