1Ke fiafia koutou tino amiotonu,
E tusa mo mea ne fai ne te Aliki;
Tavae atu ki a ia koutou katoa kola e faka'logo ki a ia.
2Fakafetai atu ki te Aliki i kitala, usu te pese ki a ia i lakau ta'ta.
3Viki atu ki a ia i te pese fou,
Ta faka'lei te kitala kae ka'laga fiafia!
4E tonu a muna a te Aliki;
E fakatuagagina foki ana galuega katoa.
5E fiafia te Aliki ki te amiotonu mo te fai mea tonu;
E fonu te lalolagi i tena alofa tumau.
6Ne faite ne te Aliki a lagi ki tena fakatonuga,
Ko tena muna foki ne faite ei ne ia te la, te masina, mo fetū.
7Ne fakaakutu ne ia a tai katoa ki te koga e tasi,
Ne tuku ne ia te moana poko ki te koga e nofo mau i ei.
8Ma'taku ki te Aliki, te lalolagi katoa!
Fakaaloalo atu foki ki a ia tino katoa o te lalolagi!
9I te taimi ne faipati ei a ia, ko te lalolagi eiloa ko tu mai;
Ko tena fakatonuga foki ne 'sae ake ei a mea katoa.
10E fakaseaoga ne te Aliki a fakamoemoega o malo;
E fakagata foki ne ia olotou fuafuaga.
11Ka ko ana fuafuaga e tumau ki te se gata mai;
Ko ona fakamoemoega foki seai se gata maiga.
12Amutia te malo tela e fai te Aliki mo olotou Atua;
Amutia foki tino ko oti ne filifilia ne te Aliki mo ia!
13E kilokilo ifo te Aliki mai te lagi,
Lavea ei ne ia tino katoa.
14E kilokilo ifo foki a ia mai te koga e pule ei a ia, ki tino katoa kola e ola i te lalolagi.
15Ne faite ne ia olotou mafaufauga katoa,
E iloa foki ne ia olotou mea katoa e fai.
16E se manumalo se tupu i te malosi o tena kautau;
E se manumalo foki se sotia i tena malosi.
17A solofanua tau e se maua i ei se manumalo;
Te lotou malosi katoatoa foki e se 'sao ei ne tino.
18E leoleo ne te Aliki a latou kola e ma'taku ki a ia,
Mo latou foki kola e fakatuanaki ki tena alofa tumau.
19E fakaola ne ia latou mai te mate;
E tausi foki ne ia latou ke ola i te taimi o te oge.
20A tatou e fakamoemoe ki te Aliki,
Me ko ia ko te tou fesoasoani mo te tou puipuiga.
21E fiafia tatou ki a ia;
E fakatuanaki foki tatou ki tena igoa tapu.
22Te Aliki, ke i luga i a matou tou alofa tumau e pela mo te motou fakamoemoe atu ki a koe.
Who We AreWhat We EelieveWhat We Do
2025 by iamachristian.org,Inc All rights reserved.
