2 TUPU 25 - Tuvalu Revised Bible

Ko te Takavale o Ielusalema(2NTupu 36.13-21; Iele 52.3-11)

1 o te tausaga eiloa tena, i te taimi ko oko eiloa te oge ko seai ne mea mo kai a tino,

4 mo tino kola ne tele mai mai Papelonia.

12Kae ne faka'toe ne ia i Iuta a tino ma'tiva kola e seai ne olotou laukele i te fenua, kae ne fakagalue ne ia latou i togā vine mo fatoaga.

13 1Tupu 7.15-26; 2NTupu 3.15-17; 1Tupu 7.23-26; 2NTupu 4.2-5 Ne ofa likiliki ne te kau Papelonia a pou palasi mo ka kola i te Faletapu, pela foki mo te tani palasi lasi eiloa, kae ne ave katoa ne latou a palasi ki Papelonia.

141Tupu 7.45; 2NTupu 4.16 Ne ave foki ne latou a sevolo mo mea tuku lefu kola e fakaaoga i te 'fuluga o te fata-fai-taulaga; ne ave foki ne latou a mea faigaluega o moli, mo pōla kola e fakatali sale ki ei a toto mai taulaga, mo pōla kola e fakaaoga i te sunuga o mea ma'nogi, mo nisi mea aka kola ne faite ki palasi kola e fakaaoga i galuega i te Faletapu

15Ne ave katoa ne latou a mea katoa kola e faite ki aulo mo siliva, e aofia i ei a tamā pōla mo pani kola e tuku sale i ei a malala 'ka.

16A mea palasi kola ne faite ne Solomona mo te Faletapu — ko pou e lua, ko ka mo te tani lasi — a mea kona ko to mafa e se tau o fua.

17A pou kona e lua e 'pau eiloa; e taki valu mita te 'loa, kae isi ne ulu palasi i ulu o pou kona e takitasi tesimale tolu mita te ma'luga. A ulupou kona e fakagaligali ki pomekalanite palasi e fakatamilo i ei.

Tino Iuta ko Ave Fakapagota ki Papelonia(Iele 52.24-27)

18Ne ave fakapagota ne Nepusalatana, te takitaki o te kautau, a Selaia te Faitaulaga Sili, mo Sefanaia te tokolua faitaulaga, mo te isi tokotolu ofisa ma'luga o te Faletapu.

19Ne aumai ne ia mai te fa'kai a te ofisa tela ne takitaki i te kautau, te tokolima tino fakatonutonu a te tupu kola koi nofo eiloa i te fa'kai, ko te tokolua ki te takitaki o te kautau, tela e tausi ne ia a tusi o te kautau, mo te isi tinoono tagata.

20Ne avatu ne Nepusalatana a latou kona ki te tupu o Papelonia tela e nofo i te fa'kai o Lipila, i te kogā fenua o Hamata.

21I kona ne kini ei latou kae 'ta ke mate.

Tena ne ave fakapagota ei a tino o Iuta ki te fenua o Papelonia.

Ko Ketalia, te Kovana o Iuta(Iele 40.7-9; 41.1-3)

22 Iele 40.7-9 A Ketalia, te tama tagata a Aikamo kae ko te mokopuna o Safana, ne fakasopo ne te Tupu o Papelonia ko Nepukanesa ke fai mo kovana o Iuta, ke pule i tino katoa kola e seki ave fakapagota ki Papelonia.

23I te logoga o ofisa mo sotia o Iutaia kola e seki takavale, i te tala tena, tena ne olo atu ei latou ki a Ketalia i Mesepa. A ofisa konei, ko Isamaeli te tama tagata a Netania, Ioananu te tama tagata a Kalia, Selaia te tama tagata a Tanumeta mai te fa'kai o Netofa, mo Iesania mai te fa'kai o Maaka.

24Muna a Ketalia ki a latou penei, “Au e faipati tonu atu me e seai eiloa se mea e tau ei koutou o mataku ki ofisa o Papelonia. Kiloke, nofo i te fenua tenei, o tavini atu ki te tupu o Papelonia, kae ka seai ne fakalavelave e tupu ki a koutou.”

25 Iele 41.1-3 Kae i te fitu o masina i te tausaga tena, a Isamaeli, te tama tagata a Netania kae ko te mokopuna o Elisaia, se tino i te kaigā tupu, ne fano ki Mesepa mo te tinogafulu tagata, tamate ei ne latou a Ketalia. Ne tamate foki ne ia a tino Isalaelu mo tino Papelonia kona e nofo tasi mai mo ia i kona.

26Iele 43.5-7 Tena, ko tino Isalaelu katoa eiloa, tino mau'mea mo tino ma'tiva ko olo ki Aikupito, fakatasi mo ofisa o te kautau, me e ma'taku i te kau Papelonia.

Ieoiakini ko Tala mai i te Falepuipui(Iele 52.31-34)

27I te tausaga ne fai ei a Evilemalota mo tupu o Papelonia, ne alofa a ia ki te Tupu o Iuta ko Ieoiakini, tena ne 'tala ei ne ia mai te falepuipui. Ne fai te mea tena i te po luasefulu fitu i te sefululua o masina i te tolusefulu lua o tausaga talu mai te taimi ne ave fakapagota ei a Ieoiakini.

28Ne fai faka'lei a ia ne Evilemalota, kae ne tuku atu foki ki a ia se tulaga e maluga atu i tulaga ne tuku sale ne ia ki tupu kona e nofo fakapagota foki i Papelonia.

29Tena la, ne talia ei a Ieoiakini o tapale ana gatu pagota kae talia ke kai i te taipola a te tupu i tena olaga katoa.

30I aso takitasi o tena olaga, e maua faeloa ne ia se tupe mo togi sale a mea e manako a ia ki ei.