1 Isa 14.29-31; Eseki 25.15-17; Ioelu 3.4-8; Amo 1.6-8; Sefa 2.4-7; Saka 9.5-7 A te Aliki ne faipati mai ki a au e uiga mo Filisitia, kae koi tuai ei o taua atu a te Tupu o Aikupito ki te fenua o Kasa.
2Muna a te Aliki penei:
“Kiloke! A vai kona ko olo ake ki luga i matu,
Kae ka tafe mai e pela me se vaitafe ko lofia.
Ka lofia ne te vai a te fenua mo mea katoa i ei,
Fa'kai mo tino katoa kola e nofo i ei.
A tino ka kalaga ki se fesoasoani;
A tino katoa i te lalolagi ka tagi i te fita.
3Ka lagona ne latou a te tele mai o solofanua,
Te pakēkē mai o kaliota,
Mo tagitagi mai o olotou teka.
A tamana ka se saga atu ki olotou tamaliki;
A olotou lima ka tautau fua i olotou feitu i te vaivai.
4Ko oko mai eiloa te taimi e tau ei o ta fakapalele a Filisitia,
Kae fakagata a fesoasoani katoa kola e toe i Tulo mo Saitonu.
Ko au, te Aliki, ka ta fakapalele ne au a te kau Filisitia,
Mo latou katoa kola ne o'mai mai i Keleta.
5A tino Kasa ko oko eiloa i te fanoanoa,
Mo tino Asekelona ko nofo mu.
E gata afea te tagi fanoanoa o tino Filisitia kola e toe mai?
6E tagi aka koutou penei, ‘Te pelu a te Aliki!
Ko afea e gata ei tau fakasauaga?
Foki nei ki tou fakamoega,
Nofo i kona o fakamanava!’
7E fakamanava pefea a te pelu tena,
Manafai e isi sena galuega ne tuku atu
Ne au ke fai ne ia?
Ne fakatonu ne au ke taua atu ki Asekelona,
Pela foki ki tino kola e nofo i fenua pili ki te tai.”
Who We AreWhat We EelieveWhat We Do
2025 by iamachristian.org,Inc All rights reserved.
