1Oku taugasoa pele: sa talitonu ki a latou kola e fai mai me e nofo i a latou a te Agaga, kae tofotofogina ke iloa tonu, me ko te Agaga e 'nofo mo latou e vau mai i te Atua. Me e tokouke a pelofeta 'loi ko oko atu ki koga valevale.
2Tenei te faiga e mafai ei o iloa ne koutou a te Agaga o te Atua: ko tino katoa kola e muna mai me oko foki te mate ki a Keliso, e maua ne latou a te Agaga ne vau mai i te Atua.
3So se tino e se talitonu ki te mate o Iesu, e se maua ne ia te Agaga ne vau mai i te Atua. A te agaga masei e vau mai te Fili o Keliso; ne lagona ne koutou me vau, ka ko leva eiloa ne i te lalolagi.
4Aku tama, a koutou e a te Atua, ko oti foki ne fakatakavale ne koutou a pelofeta 'loi; me i te Agaga tela e i loto i a koutou, e sili atu tona malosi i te agaga tela e nofo i tino e ola faka te lalolagi.
5E faipati eiloa a latou ki mea faka te lalolagi, kae fakalogo ki ei a tino o te lalolagi, me e o te lalolagi latou.
6Ka ko tatou e o te Atua. So se tino e iloa ne ia te Atua e fakalogo mai ki a tatou; so se tino e se e o te Atua, e se fakalogo mai eiloa ki a tatou. Tela la, tenei te auala, e mafai ei ne tatou o iloa a te kesekesega o te Agaga o te fai mea tonu mo te agaga o te fai mea 'se.
A te Atua ko te Alofa7Oku taugasoa pele! Ke fakatau a'lofa tatou, me i te alofa e vau mai i te Atua. So se tino e alofa, se tama a te Atua kae e iloa foki ne ia a te Atua.
8Ko te tino e se alofa e se iloa ne ia a te Atua, me i te Atua ko te alofa eiloa a ia.
9Tenei te auala ne fakaasi mai ei a te alofa o te Atua: ne uga mai ne ia tena Tama e tokotasi ki te lalolagi, ko te mea ke maua ne tatou a te ola e alatu i a ia.
10Tenei te mea e taku ko te alofa: e se ko tona uiga ona ko tatou ne alofa ki te Atua, ka ko ia ne alofa mai ki a tatou, uga mai ei ne ia a tena Tama ke fai mo auala e fakamagalo ei o'tou agasala.
11Taugasoa pele, kafai ne alofa mai penei a te Atua, e 'tau mo tatou o fakatau a'lofa.
12Ioa 1.18E seai se tino kai matea ne ia te Atua; kae kafai e fakatau a'lofa tatou, e iai te Atua i a tatou, ko faka‐katoatoagina foki a tena alofa i a tatou.
13Tenei a te fakatalitonuga i a tatou e ola i te Atua, ka ko ia e i loto i a tatou, i te mea ko oti ne tuku mai ne ia ki a tatou tena Agaga.
14Ko oti ne 'kilo matou ki ei, kae tala atu foki ki nisi tino, i te Tamana ne uga mai ne ia tena Tama ke fai mo fakaola o te lalolagi.
15So se tino e takutaku atu ne ia i a Iesu ko te Tama a te Atua, e nofo te Atua i a ia, ka ko ia i te Atua.
16E iloa ne tatou kae talitonu foki tatou ki te alofa o te Atua, tela ne alofa mai ei ki a tatou.
A te Atua ko te alofa, so se tino e ola i te alofa e ola i te Atua, kae nofo foki te Atua i a ia.
17Tenei te pogai ne fakakatoatoa ei a te alofa i a tatou: ko te mea ke loto malosi tatou i te Aso Fakamasino, me i otou olaga i te lalolagi nei e pau eiloa mo te olaga o Keliso.
18E seai se mataku i te alofa; a te alofa tonu e afuli katoa ne ia keatea a te mataku. Tela la, a te alofa e seki fakakatoatoagina i a ia tela e mataku, me i te mataku e olo tasi eiloa mo te fakasalaga.
19A tatou e alofa me i te Atua ne mua o alofa mai ki a tatou.
20Kafai e fai mai se tino, “Au e alofa ki te Atua,” kae tela la e ita ki tena taina, a ia se tino loi. Me e se mafai a ia o alofa ki te Atua tela e seki matea ne ia, kae tela la e se alofa ki tena taina tela e matea ne ia.
21Tenei la a te fakatonuga ne tuku mai ne Keliso ki a tatou: a ia tela e alofa ki te Atua, e 'tau foki mo ia o alofa ki tona taina.
Who We AreWhat We EelieveWhat We Do
2025 by iamachristian.org,Inc All rights reserved.
