1“Kafai se tokolua Isalaelu ne olo ki te fono o fakamasino te kinauga a laua, kae iku aka nei, e agasala te sua tino kae sao te sua tino.
2Kafai te tino 'se ne fakasala ke kini, e tau mo te famasino o fai ki ei ke takato fuli tena alo ki lalo ko kini ei. A te aofaki o ana kini e fuafua eiloa ki te mafa o te agasala.
32Koli 11.24 A te gataga o kini ki luga e fasefulu; kafai e silia atu ko te tina fakamasiasiga eiloa o ia i mata o tino.
4 1Koli 9.9; 1Timo 5.18 “Sa saigina a te gutu o te pulumakau i te taimi e lakalaka ei ne ia a saito mo vaega fuaga pena.
Ko Tou Tiute ki Tou Taina ko Mate5 Mata 22.24; Male 12.19; Luka 20.28 “Kafai se tokolua tautaina e nofo i se laukele e tasi, kae mate te sua tino i a laua, kae seai ne ana tama tagata; ko tena avaga e se tau o avaga ki se tino i tua o te kaiga. Ko te tiute o te taina o te tagata ne mate o avaga ki te fafine tena.
6A te tama tagata muamua a laua e lau me ko te tama tagata a ia tela ne mate, ko te mea ke ola eiloa tena gafa i Isalaelu.
7Luta 4.7,8 Kae kafai e se fia avaga ki ei te taina o te tagata ne mate, ko fano ei te fafine tena ki mua o takitaki o te fa'kai kae fai ki a latou penei, ‘A te taina o taku avaga e ita ma fai tena tiute; e ita ma fai se tama tagata ma tena taina, ko te mea ke isi sena gafa i Isalaelu.’
8Tena la, ko aumai ei a ia ne takitaki o te fa'kai o faipati fakalei ki ei. Kafai e ita eiloa a ia o avaga ki te avaga a tena taina,
9ko te mea ka fanatu te avaga a tena taina ki a ia, i mua o takitaki o te fa'kai, tapale ne ia tena taka e tasi, puaki atu ki ana mata, kae fai atu penei, ‘E pena te mea e oko ki te tagata e ita ma fakaola ne ia te gafa o tena taina.’
10Ka iloa i luga i Isalaelu a te kaiga tena ko te kaiga o te tagata ne tapale keatea te taka o ia.’
Ko Nisi Tulafono11“Kafai e taua se tokolua tagata, kae vau te avaga a te sua tagata o fesoasoani ki tena avaga, o kumi a masaki o te tagata tela e taua mo tena avaga,
12puke o kati keatea ona lima, sa fai fakalei ki ei.
13-14 Levi 19.35,36 “Sa avegina i loto o otou taga ne fua 'mafa e lua, te fua lasi mo te fua foniki.
15Fakaaoga a fua tonu, ko te mea ke ola leva koutou i te fenua tenei ne avatu ne te Aliki te otou Atua mo koutou.
16A te Aliki e se fiafia ki tino faitogafiti.
Ko te Fakatonuga ke Tamate a Tino Amaleka17 Eso 17.8-14; 1Samu 15.2-9 “E masaua ne koutou te mea a te kau Amaleka ne fai ki a koutou i te taimi ne o'mai ei koutou keatea mai Aikupito?
18E se mataku latou ki te Atua, tena ne taua atu ei ki a koutou mai te feitu o koutou ki tua, kae tamate ne latou a tino o koutou kola e o'mai mai tua.
19Tela la, kafai ko maua ne koutou te fenua tela ne avatu ne te Aliki mo koutou, kae ko nofo koutou i ei mo te saogalemu mai otou fili katoa kola i otou tafa, masaua la o tamate katoa a tino Amaleka, ko te mea ke mo a e toe manatua atu latou. Masaua o fai te mea tena, kae sa puli!
Who We AreWhat We EelieveWhat We Do
2025 by iamachristian.org,Inc All rights reserved.