NUMELA 24 - Tuvalu Revised Bible

1I te taimi nei, ko iloa ne Palaamo i te Aliki e manako ke fakamanuia ne ia a te fanauga a Isalaelu, tela ne seki taumafai ei a ia o fano ke fetaui laua mo te Atua e pela mo taimi mua. Ne kilo atu ona mata ki te toafa,

2matea ei ne ia a tino Isalaelu e nofo mai i olotou matakaiga takitasi. Ne ulufia Palaamo ne te agaga o te Atua,

3tela ne faipati ei ne ia a te valoaga tenei:

“Tenei te fekau a Palaamo, te tama tagata a Peolo,

Mea nei ko pati a te tagata tela e lavea faka'lei ne ia a mea,

4Tela e lagona ne ia a muna a te Atua.

Ne kilo atu oku mata, kae lavea ne au se fakaasiga mai i te Atua Tafasili i te Malosi.

5A faleie o Isalaelu ko oko eiloa i te gali,

6E pela me ne lakau ko pama e fakalaina i laina 'loa,

Io me e pela me ne fatoaga i kaugutu o se vaitafe;

E pela me ne lakau ko aloe ne toki ne te Aliki

Io me ne alasi e ola i tafatafa o te vai.

7Ka uke a vaiua e maua ne latou

Kae ka toki olotou fuaga lakau i malae fatoaga e uke te vai i ei.

A te lotou tupu ka sili atu i a Akako

Ka ko tena pule ka salalau i koga 'mao

8Ko te Atua ne aumai ne ia latou mai Aikupito;

Ko te Atua e taua mo latou e pela me se pulumakau vao.

E fakatakavale ne latou olotou fili,

E tukipala ne latou a ivi o olotou fili, kae fatifati olotou matasana.

9

16Tela e lagona faka'lei ne ia a muna a te Atua,

Kae maua foki ne ia a te poto tela e vau mai i te Atua Tafasili i te Maluga.

Ne kilo atu oku mata, kae lavea ne au te fakaasiga mai te Atua Tafasili i te Malosi.

17Au ne kilo ki aso fakamuli, kae matea ne au a te malo o Isalaelu.

E isi se tupu e pela me se fetu maina, tela ka vau mai te malo tena.

Ka pela a ia me se fetu e igoa ko te pusa loa tela e vau mai Isalaelu.

Ka fakatakavale ne ia a takitaki o Moapi

Kae ta a tino o te gafa o Setu.

18Ka fakatakavale ne ia ona fili i Etoma

Kae puke mo ia a te fenua o latou.

A Isalaelu ka manumalo faeloa.

19Ka lakalaka latou ne te malo o Isalaelu

Kae ta fakapalele a latou kola koi toe.”

20I te fakaasiga tena, ne matea foki ei ne Palaamo a tino Amaleka, tela ne faipati mai foki ei ne ia a te valoaga tenei:

“A te malo o Amaleka se malo tafasili i te malosi,

Kae fakamuli, ka galo atu eiloa se toe matea atu.”

21I te fakaasiga tena, ne matea ne ia a tino Keni, tela ne faipati mai foki ei ne ia a te valoaga tenei:

“A te koga e nofo ei koutou e malu 'lei,

E pela me se ofaga e tu i luga i se kaupapa maluga,

22Ka ko koutou tino Keni, e oko mai eiloa te taimi ka ta fakapalele ei koutou,

Manafai ko puke fakapagota koutou ne tino Asulia.”

23Ne faipati foki ne Palaamo a te valoaga tenei:

“Ko oi a tino konei e fakapotopoto i matu?

24A tino tau ka o'mai mai Kupelu i olotou vakamutu;

Ka puke ne latou a Asulia mo Epela,

Kae fakamuli, ko latou foki eiloa ka galo atu.”

25Tena, ne fakatoka ei a Palaamo, foki atu eiloa ki tena fa'kai, ka ko Palako ne fano foki eiloa i tena auala.