GALUEGA 28 - Tuvalu Revised Bible

I Melita

1I te motou okoga faka'lei ki uta, iloa ake ei ne matou i te fenua tena ko Melita.

2Ko oko eiloa i te atafai mai ki a matou a tino i kona. Ko to te ua, ka ko 'moko foki, tela, tafu ei ne latou a te afi, kae tali'lei katoa matou ne latou.

3Ne fakaputuputu ne Paulo a fafie o tuku ki luga i te afi. Ka koi tuku atu ne ia a fafie ki luga i te afi, kae tafuke mai ki tua mo te gata, i te mea ko 'vela te afi; 'piki mau eiloa ki luga i te lima o Paulo.

4I te mateaga ne tino o te fenua tena a te gata e tautau i luga i te lima o Paulo, fai ake ei pela olotou pati i a latou eiloa, “A te tagata tenei, kati se taumate se tino tatino, ka ko te Malaia e tautali faeloa i a ia; e tiga eiloa tona sao mai i te tai, kae mate eiloa a ia.”

5Ne lu ne Paulo te gata ki loto i te afi, kae e seai eiloa sona koga e pakia.

6Faka'tali ei latou ke fulafula ake tona foitino, io me siga ki lalo kae mate. Ko leva eiloa te lotou fai'taliga, kae e seai eiloa se mea ne tupu; 'fuli ei olotou mafaufau kae fai ake olotou pati, “A ia nei se atua!”

7E se 'mao mai konei a nisi lau manafa o Popilio, ko te aliki o te fenua. Ne tali'lei ne ia matou, kae tusa mo te tolu o aso ne 'nofo ei matou i tona fale.

8A te tamana o Popilio e masaki, e pokotia ne te fiva mo te sanatoto. Ne ulu atu a Paulo ki tona potu, kae 'talo mo ona lima e fakaeke ki luga i a ia, malosi ei a ia.

9I te faiga ne Paulo a te mea nei, kae mafuta mai mo tino ma'saki katoa i te fenua tena ki a ia, kae ne faka'lei katoa olotou masaki.

10E uke olotou meaalofa ne aumai ma matou, kae i te fanoga o te motou vaka, ne fakauta ne latou te vaka ki mea e ma'nako matou ki ei mō te malaga.

Mai Melita ki Loma

11E tusa mo te tolu masina mai tua ifo, 'sopo atu ei matou ki te vaka Alesania e igoa ki “Te Masaga Atua,” tela ne vau o fakalafi i te fenua tena i aso o te tau 'moko.

12Ne oko atu matou ki te fa'kai ko Silakusa, kae ne 'nofo matou i kona i aso e tolu.

13Mai kona, toe malaga foki matou, oko atu ei matou ki te fa'kai ko Lekiuma. I te taeaoakega, ne kamata o agi mai te matagi mai saute, e tusa mo te lua o aso kae oko atu matou ki te fa'kai ko Puteoli.

14E isi ne tino talitonu ne fetaui mo matou i konei, fakamolemole mai ei ke 'nofo matou i se vaiaso. I te otiga mai konei, oko atu ei matou ki Loma.

15Ne logo tala a taina talitonu i Loma e uiga ki a matou. Nisi ne ma'laga mai i te Maketi o Apiasi, nisi ne ma'laga mai i Fale Talimalo e Tolu o fakafetaui ki a matou. I te mateaga ne Paulo a latou, siki ei tena fakafetai ki te Atua, malosi ei mo tena loto.

I Loma

16I te motou okoga ki Loma, ne talia Paulo ke nofo tokotasi, ka ke leoleo ne se sotia.

17Mai tua ifo o te tolu o aso, ami atu ei a Paulo ki takitaki o tino Iutaia i Loma, ke o'mai ki te fono. I te maopoopoga a latou, fai atu ei ana muna penei: “Oku taina! E ui eiloa me ne seki fai ne au se mea 'se ki tino o te tou fenua, io me ko tu kola ne maua mai ne tatou mai o'tou tupuga, kae nei, au ko oti ne fai mo pagota i Ielusalema, ke tuku atu ki lima o tino o te malo o Loma.

18I te otiga ne sukesuke au ne latou, ne ma'nako o fakasaoloto au, me ko iloa ne latou me seai se mea ne fai ne au e 'tau ei au o mate.

19

29(I te otiga o pati a Paulo konei, olo ei keatea a tino Iutaia, fakatau kinau ei latou i a latou eiloa.)

30E lua tausaga ne nofo ei a Paulo i te koga ne 'togi ne ia mo ona nofo, kae ne talia 'lei ne ia a tino katoa kola ne o'mai o asi a ia.

31Ne folafola atu ne ia a te Malo o te Atua, kae akoako atu foki ne ia latou e uiga ki te Aliki ko Iesu Keliso, i te faipati atu mo te loto toa, mo te seai foki ne fakalavelave e taofigina ei tona folafola atu.