1A te tuakoi ki saute o te vaega ne tuku mo te gafa o Iosefa e kamata mai i te Iolitana i tafa o Ieliko, i te feitu ki te saegala o vaipuna o Ieliko, ko fano ei ki loto i te vao. E fanatu mai Ieliko ko fano ei ki luga i te fenua maugā ke oko eiloa ki Peteli.
2Mai Peteli ko fano pela ki Lusa, o fanatu eiloa ki Atalota Ata, te koga e nofo ei a tino Alaki.
3Tena ko fano ei faka te togala ki te koga o tino Iafeleti, ke oko eiloa ki te laukele i te feitu ki lalo o Peta Holono. Mai i kona ko fano eiloa pela ki Kesela, kae gata mai i te Tai Metitilani.
4Tena te tofi o te gafa o Iosefa, kola ko matakaiga o Efalaima mo Manase ki te Togala.
Ko Efalaima5Tenei te vaega o te matakaiga o Efalaima: a te tuakoi o latou e kamata mai i Atalota Ata, i te feitu ki te saegala o te feitu ki luga o Peta Holono,
6kae mai i kona o fano ki te Tai Metitilani. A Mikimetata e tu i te feitu ki matu o latou. Mai te saegala o te koga tena, ko piko atu ei te tuakoi o latou ki Tanata Sailo o fanatu eiloa ki te feitu ki te saegala o Ianoa.
7Mai Ianoa, ko fanaifo ei ki Atalota mo Naala, ke oko eiloa ki Ieliko, kae gata mai i te Iolitana.
8E fanatu eiloa te tuakoi tena ki te togala mai Tapua ki te vaitafe foliki o Kana kae gata mai te Tai Metitilani. Tena te laukele ne tuku mo te matakaiga o Efalaima,
9fakatasi mo nisi fa'kai foliki kola e tu i loto i te tuakoi o Manase, kae ne tuku mo tino Efalaima.
10Fama 1.29 Kae ne seki afuli keatea ne latou a tino Kanana kola e nofo i Kesela, tela la, ne nofo tasi eiloa latou ke oko mai ki aso nei. Ka ko latou ne fakapologa ne tino Efalaima.
Who We AreWhat We EelieveWhat We Do
2025 by iamachristian.org,Inc All rights reserved.
