1 1NTupu 22.5 Ne fai te folafolaga a te Tupu ko Tavita ki te maopoopoga a Isalaelu penei. “A taku tama tagata ko Solomona, ko ia ne filifili ne te Atua; a ia koi foliki kae e seki lava i a ia a te atamai. A te galuega tenei e tau o fai, se galuega tafasili i te lasi, me i te mea tenei se se palesi mō tagata, kae se faletapu mō te Aliki te Atua.
2Ne taumafai malosi au o fakatoka a mea mo faite te Faletapu — ko aulo, siliva, palasi, fiti, laupapa, fatu taua, fatu e lomi ei a ata, mo fatu mamola e uke.
3A te mea tafasili i te taua tela ko oti ne fakatoka ne au, ko siliva mo aulo mai i taku koloa totino, me i a au e alofa ki te Faletapu o te Atua.
4Ne tuku atu ne au e silia i te selau tani o te tina aulo, kae tai maua eiloa te luaselau fasefulu tani o te tina siliva mo te fakagaligaliga o pui o te Faletapu,
5pela foki mo mea katoa kola e tau o faite ne tufuga poto. I te taimi nei, ko oi foki se tino e loto o avatu sena taulaga mo tena lotomalie ki te Aliki?”
6Tena la, ne ofo mai ei ne ulu o kaukaiga, ofisa o matakaiga, takitaki o kautau, mo tino e pulepule ne latou a mea a te tupu,
7a mea konei mo fai te galuega o te Faletapu: e silia atu i te selau fitusefulu tani o te aulo, e silia atu i te toluselau fasefulu tani o te siliva, e tai maua te onoselau luasefulu tani o te palasi, kae e silia atu i te tolu afe faselau tani o te fiti.
8A latou kola e isi ne olotou fatu taua, ne tuku ne latou ki te koloa o te Faletapu, tela e tausi ne te tagata sa Levi ko Ieielu, se tagata i te kaukaiga o Kelesona.
9Ne avatu eiloa ne tino a olotou mea mo te loto malie ki te Aliki, ko oko eiloa te lotou fiafia me ko uke a mea ne tuku atu ne latou. A te Tupu ko Tavita ko oko foki eiloa i tena fiafia.
Ko Tavae ne Tavita a te Atua10Ne tavae ne te Tupu ko Tavita a te Aliki, i mua o te fakapotopotoga o Isalaelu, ana muna, “Te Aliki te Atua o te motou tupuga ko Iakopo ke vikia koe ki te se gata mai, se gata mai eiloa!
11Mata 6.13 2A koe e tafasili i te maluga kae mana, e malu kae sili. A mea katoa i te lagi mo te lalolagi e a koe; a koe se tupu, e pule katoatoa i tino katoa.
12A koloa mo mea gali katoa e maua mai i a koe; e pule ne koe a mea katoa i tou mana mo tou malosi; kae e mafai faeloa o fai ne koe se tino ke maluga kae malosi.
13Te motou Atua, i te taimi nei, ko tuku atu ne matou te fakafetai ki a koe, kae tavae ne matou tou igoa malu.
14“E seai se mea e mafai ne au mo toku fenua o avatu ma koe, me i mea katoa e maua ne matou, ne meaalofa mai i a koe, tela la, a mea ne avatu ne matou, ko mea foki eiloa a koe ko toe fakafoki atu.
15Te Aliki, e iloa ne koe i a matou e ola i te olaga tenei e pela me ne tino i se tafeaga io me e pela me ne tino fakaatea, e pela eiloa mo omotou tupuga. A omotou aso e pela fua me se ata e vau kae fano, kae e se mafai eiloa matou o sao mai i te mate.
16Te Aliki te motou Atua, ko oti ne aumai ne matou a mea katoa kona mō faite se faletapu e fakaaloalo ei tou igoa tapu, kae ne mea foki ne maua mai i a koe, me e a koe katoa foki a mea kona.
17E iloa ne au me e tofotofo ne koe a loto o tino katoa, kae fiafia foki koe ki tino amiotonu. A mea kona ne avatu ne au, ne avatu ne au mo toku loto katoa, kae ne lavea foki ne au a te fiafia o tino o tou fenua konei e maopoopo i konei, o avatu olotou taulaga ki a koe.
18Te Aliki te Atua o omotou tupuga ko Apelaamo, Isaako mo Iakopo ke fakatumau ne koe te loto fakamaoni i loto o tino o tou fenua, kae ke tausi ne koe latou ke tumau te lotou fakamaoni ki a koe.
19Avatu ki taku tama ko Solomona a te loto fiafia, o tausi ki mea katoa kola ne fakatonu mai ne koe, kae ke faite foki a te Faletapu tenei ko oti ne fakatoka ne au a mea mo faite.”
20Ne fakatonu atu Tavita ki tino penei,“Tavae atu te Aliki te otou Atua!” Tena ne tavae eiloa ne te fakapotopotoga a te Aliki, te Atua o olotou tupuga. Ne ifo latou ki lalo, kae tuku atu te fakaaloalo ki te Aliki, pela foki ki te tupu.
21I te sua aso, ne 'ta ne latou a manu vae fa mo fai olotou taulaga, kae fakatapu ki te Aliki, tena, tuku atu ei ne latou ke kai ne tino o te fenua. Fakaopoopo atu ki mea kona, ne ofo atu foki ne latou e afe pulumakau tagata, e afe mamoe tagata, kae e afe tamā mamoe. Ne sunu kātoa ne latou a manu kona i luga i te fata-fai-taulaga. Ne aumai foki ne latou a taulaga uaina.
22Ne fiafia malosi latou i te aso tena, i te taimi ne kai kae inu latou i mua o te Aliki.
Ne toe folafola atu ne latou i te lua o taimi a te fakasopoga o Solomona ki te tulaga ko te tupu. Ne faū ne latou a ia i te igoa o te Aliki ke fai mo takitaki o latou, ka ko Satoka ke fai mo faitaulaga.
231Tupu 2.12 Tena la, ne sui ei ne Solomona a tena tamana ko Tavita o nofo i te nofogaaliki tela ne fai ne te Aliki. A Solomona se tupu e manuia, ka ko tino katoa o te malo o Isalaelu ne fakalogo ki a ia.
24A ofisa mo sotia katoa, ke oko foki eiloa ki nisi tama tagata katoa a Tavita ne tauto ke tautua fakamaoni latou ki te Tupu ko Solomona.
25Ne fai ne te Aliki a Isalaelu katoa ke mataku i a Solomona, kae fai ne ia ke takutakua atu i tupu katoa kola ne pule i Isalaelu.
Ko te Nofoaiga a Tavita26A Tavita, te tama tagata a Iese ne pule i Isalaelu katoa i tausaga e fasefulu.
272Samu 5.4,5; 1NTupu 3.4 Ne tupu a ia i Hepelona i tausaga e fitu, kae e tolusefulu tolu tausaga i Ielusalema.
28Ne mate a ia ka ko toeaina eiloa, e maumea kae fakaaloalogina, kae ne sui a ia ne tena tama tagata ko Solomona o fai mo tupu.
29A te tala tuku fakasolo o te Tupu ko Tavita mai i te kamataga ke oko ki te fakaotiga e fakamau i tusi tala o te tokotolu pelofeta, ko Samuelu, Natano, mo Kato.
30A tala kona e fakamatala ei tena pulepulega, tena malosi, mo mea katoa kola ne tupu ki a ia, pela foki ki Isalaelu, mo malo i olotou tafa.
Who We AreWhat We EelieveWhat We Do
2025 by iamachristian.org,Inc All rights reserved.