1 TUPU Fakatomuaga - Tuvalu Revised Bible

FakatomuagaTe Tusi muamua e uiga ki Tupu, e fakasoko mai i ei a tala tuku fakasolo o te fakasologa o tupu i Isalaelu tela ne kamata mai i tusi e lua a Samuelu. A te tusi tenei e mafai o vaevae ki vaega e tolu: (1) Ko te fakasopoga o Solomona ke fai mo tupu o Isalaelu mo Iuta, mo te mate o tena tamana ko Tavita. (2) Ko te nofoaiga a Solomona mo tena kausakiga. Kae fakapitoa mo te faitega o te Faletapu i Ielusalema (3) Ko te mavaeluaga o te malo o Isalaelu ki malo e lua, te malo ki matu mo te malo ki saute, mo tala ei o tupu kona ne pulepule i malo kona ke oko eiloa ki te iva o senitenali T. M.K.I loto i tusi e lua konei e uiga ki Tupu, a te 'lei o tupu takitasi e masino eiloa mai luga i te fakamaoni o latou ki te Atua. A te manuia foki o te malo manafai e fakamaoni te tupu mo te fenua ki te Atua. A te ifo ki tupua mo te se fakalogo e iku ki te malaia. A tupu katoa i te malo ki matu e seai eiloa se tupu ne fai ne ia te mea tonu, ka ko tupu o te malo ki saute, e isi ne tupu ne fakamaoni mo tupu seki fakamaoni.Taua i te Tusi muamua o Tupu, ko pelofeta a te Aliki, kola e loto 'toa o folafola te fekau a te Atua; ki tino ke sa tapuaki ki tupua, kae sa 'teke foki ki te Atua. A te pelofeta taua i loto nei ko Elia mo te tala o te fakataufaiga mo faitaulaga a Paala (Mataupu 18).Ko Fakasologa o MataupuGataga o te nofoaiga a Tavita 1.1—2.12Solomona ko fai mo tupu 2.13-46Te nofoaiga a Solomona 3.1—11.43a) Tausaga muamua 3.1—4.34e) Faitega o te Faletapu 5.1—8.66i) Tausaga fakamuli 9.1—11.43Vaeluaga o te malo o Isalaelu 12.1—22.53a) 'Teke atu a matakaiga ki matu 12.1—14.20e) Tupu o te malo o Iuta mo Isalaelu 14.21—16.34i) Pelofeta ko Elia 17.1—19.21o) Tupu o Isalaelu ko Aapo 20.1—22.40u) Iosefatu mai Iuta mo Asaia mai Isalaelu 22.41-53