SALAMO 82 - Tuvalu Revised Bible

Te Atua te Pule Tafasili i te Maluga

1E takitaki te Atua i te fono faka te lagi;

Kae fa'kaiku ne ia a tonu o te fono a atua penei:

2“E tau o fakagata ne koutou a fakamasinoga se 'tonu,

E fakagata foki te fakakaukau o koutou ki tino amio masei;

3Ke puipui ne koutou te saolotoga o tino ma'tiva mo tamaliki ko 'mate olotou matua;

Kae fai te fakamasinoga tonu ki tino ma'tiva mo tino fakaalofa!

4Ke fakasao ake latou mai te malosi o tino amio ma'sei.

5“Ko oko eiloa te otou pouliuli kae va'lea,

E 'nofo foki koutou i te pouliga,

Ka ko te fakamasinoga tonu ko galo mai te lalolagi.

6 Ioa 10.34 Au ne fai atu, ‘A koutou katoa ne atua;’

‘Ka ko koutou foki ne tama katoa a te Atua Tafasili i te Maluga.’

7Ka ko koutou e mate fua pela mo ne tino;

E palele atu foki te otou ola,

E pela mo te ola o so se pelenise.”

8Te Atua, vau koe o pule te lalolagi;

Me i o koe a fenua katoa.