IELEMIA 51 - Tuvalu Revised Bible

20Muna a te Aliki,

“Papelonia, a koe ko taku samala, ko taku meatau o te taua.

Ne fakaaoga ne au a koe o tukipala ki ei a fenua mo malo,

21'Ta a solofanua mo tino e 'sopo i ei,

Ofa a kaliota kae ta a tino e fakatele ne latou,

22Tamate a tagata mo fafine,

'Ta a tino matua mo tino koi tupu aka,

Tamate a tamaliki tagata mo tamaliki fafine,

23Tamate a tausi mamoe mo olotou lafu,

Ta a tino fakamalū laukele mo olotou solofanua,

Tukipala a takitaki mo ofisa maluga.”

24Muna a te Aliki, “Ka lavea ne koutou me ka taui ne au ki Papelonia mo ona tino e tusa eiloa mo amioga masei kola ne fai ne latou ki Ielusalema.

25Papelonia, a koe e pela me se mauga tela e ta fakamasei ne ia a te lalolagi katoa, ka ko au, te Aliki, ko tou fili. Ka puke atu au ki a koe, kae fakalaugatasi ne au a koe mo te laukele, kae tiakina ne au a koe me ko ou lefu fua e toe mai.

26E seai eiloa se fatu i ou fale kona ne maofa e toe fakaaoga mo toe faite se isi fale. A koe ka pela me se toafa ki te se gata mai. Ko au, te Aliki, tena ne faipati atu.

27“Tuku atu se fakailoga ke kamata o olo o taua! Fakatagi te pu ko te mea ke lagona ne malo! A malo ke fakatoka ki te taua mo Papelonia! Fai atu ki malo o Alalata, Mini, mo te malo o Asekenasa ke taua atu. Fili aka se ofisa ke takitaki ne ia te kautau. Aumai ki mua a solofanua pela me se muimuiga a se akelise.

28A malo ke fakatoka ki te taua mo Papelonia. Uga atu te fekau ki tupu o Metai ke o'mai, fakatasi mo takitaki mo ofisa, mo kautau a fenua katoa kola e pule ne latou.

29A te lalolagi ko polepole kae galulu, me i te Aliki ko fakataunu a tena fuafuaga ki te faiga o Papelonia ke pela me se toafa, te koga e seai se tino e nofo i ei.

30A sotia o Papelonia ko se taua, kae ko nofo mai fua i olotou olo malosi. Ko seai ne olotou loto toa, kae ko pela fua me ne fafine. A mataloa o te fa'kai ko oti ne ofa ki lalo, mo fale ko ka valevale.

31E tokouke a avefekau ne tele ki te tupu o Papelonia o fakailoa ki ei i tena fa'kai ko oti ne ofa ne te fili a ona feitu katoa.

32Ko oti ne puke ne te fili a te auala ki te sua feitu o te vaitafe, kae sunu a olo o Papelonia. A sotia Papelonia ko oko eiloa i te mataku.

33E se leva nei, kae ka ta latou ne te fili kae lakalaka pela me ne saito i te koga solo saito. Ko au, te Aliki Malosi, te Atua o Isalaelu tena ne faipati atu.”

34A te tupu o Papelonia ne katikati fakaseaoga ne ia a Ielusalema

Kae kai ne ia.

Ne ta fakapalele ne la a te fa'kai pela me se tia ne ligi faka'masa;

Ne folo ne ia te fa'kai pela me se manu fakamataku tela e folo tena meakai.

E puke ne ia a mea kola e manako a ia ki ei, kae pei keatea te toega.

35A tino o Siona ke fai ake penei,

“A te fakasauaga tela ne oko ki a tatou,

Ko Papelonia ke paku ki ei te se tena!”

A tino Ielusalema ke fai aka penei,

“A te puapuaga tela ne fita ei tatou,

Ko Papelonia ke paku ki ei te se tena!”

36Tena la, ne fai atu ei te Aliki ki tino Ielusalema penei, “Ka kau atu au ki te otou mea tena e taumafai o fai, kae ka taui ne au ki otou fili e tusa mo te mea ne fai ne latou ki a koutou. Ka faka'masa pakupaku ne au a te koga e aumai ei te vai ki Papelonia, pena foki a ona vaitafe.

37A te fenua tena ka pela me se fakaputuga o mea ne maofa, kola e nofo i ei a manu o te vao. Ka se kilogina eiloa i te mataga; ka seai se tino e nofo i kona, ka ko tino katoa e kilo ki ei ka mataku.

38A tino Papelonia katoa e gulu pela me ne leona kae tagitagi pela me ne tama leona.

39E a, a latou na e mata sogea fua? Ka fakatoka ne au se 'kaiga mo latou, kae fai ne au ke kona kae fiafia. Ka moe latou se toe ala ake eiloa.

40Ka ave ne au a latou ke tamate, pela me ne tamā mamoe, mo kouti, mo mamoe tagata. Ko au, te Aliki, tena ne faipati atu.”

41Muna a te Aliki e uiga ki a Papelonia: “A te fa'kai tela e tavaegina ne te lalolagi ko oti ne fakatakavale! A malo ko oko eiloa i te mataku manafai e kilo ki a Papelonia!

42A te tai ko tafe ki luga i Papelonia kae ko fati valevale a galu i luga i ei.

43A fa'kai ko se kilogina eiloa i te fakamataku, kae ko pela me se toafa seai ne vai i ei, tela e seai ne tino e nofo i ei, seai foki ne tino e olo sale i ei.

44Ka fakasala ne au a Pele, te atua o Papelonia, kae fai ne au ke fakaasi aka a mea kola ne kaisoa ne ia; ka se toe tapuaki eiloa a malo ki a ia.

“A pui o Papelonia ko maofa.

45Tino Isalaelu, tele keatea mai i kona! Tele ke sao koutou mai i toku kaitaua fakamataku.

46Sa fakavaivai otou loto io me mataku ona ko tala e lagona ne koutou. I tausaga takitasi, e isi faeloa se tala se mautinoa e fai ne tino — ne tala o te fakasauaga i te fenua, mo tala o tupu e taua ki nisi tupu.

47Tela la, ko oko mai te taimi e saga atu ei au o fakamasei a tupua o Papelonia. Ka fakamasiasi ne au a te fenua katoa, kae tamate a tino katoa i ei.

48

Ko gata i kona a muna a Ielemia.