1Ne faipati mai te Aliki penei: “A tino kola e pule i Iuta ka malaia me ne teke mai ki a au. E tau'tali ki fuafuaga kola ne seki fai ne au, kae saina foki ne latou a feagaiga kola e se loto au ki ei; e fakaputuputu ake eiloa olotou agasala ke uke.
2E olo o sala fesoasoani ki Aikupito, kae e se fesili mai mua ki a au me ne a oku manatu. E ma'nako latou ke puipui latou ne Aikupito, tela la, ko fakatuaga eiloa latou ki te tupu o Aikupito.
3Ka ko te tupu o Aikupito e seai sena malosi o fesoasoani atu ki a latou, tena la, a te puipuiga o Aikupito ka iku ki te masei valevale.
4E ui eiloa ko oti ne oko atu a sui o Iuta ki fa'kai o Aikupito ko Soani mo Hane,
5ka ko tino o Iuta ka salamo i a latou ne talitonu ki te malo tela e se fakatuagagina, te malo tela ne seki mafai o fesoasoani mai ki a latou i te taimi ne manako ei latou ki se fesoasoani.”
6Tenei te fekau a te Atua e uiga ki manu vae fa o te toafa i saute: “A sui e malaga i loto i fenua fakamataku, kola e nofo i ei a leona mo gata poisini mo talako lele. E fakauta olotou asini mo kamela ki meaalofa togi mafa mō te malo tela e se mafai o fesoasoani atu ki a latou.
7A te fesoasoani tela e aumai ne Aikupito e seai se aoga. Tela la, ko oti ne fakaigoa ne au a Aikupito ko ‘Te Talako se Fakamataku.’ ”
Ko te Fenua se Fakalogo8A te Atua ne fai mai ki a au ke tusi ne au ki se tusi a uiga o tino kona, ko te mea ke isi se tala fakamau o uiga masei o latou.
9E masani teke faeloa latou ki te Atua, kae loi faeloa, kae ita faeloa ma fakalogo ki akoakoga a te Aliki.
10E fai latou ki pelofeta ke pono olotou gutu; olotou muna, “Sa faipati mai ki a matou e uiga ki te mea tonu. Faipati mai ki te mea e fia fakalogo matou ki ei. Tuku ei ke nofo matou mo omotou manatu 'se konei.
11Olo keatea mai i omotou mua kae sa ponogina te motou auala. A matou e se fia fakalogo ki otou muna e uiga ki te Atua tapu o koutou tino Isalaelu.”
12Konei a muna a te Atua tapu o Isalaelu: “A koutou se saga ki mea e fai atu ne au, kae e fakalagolago eiloa koutou ki te fakasaua mo te fai togafiti 'pelo.
13A koutou ko agasala. A koutou e pela me se pui maluga kae mafa mai luga ke oko ki lalo; e se leva ko koutou eiloa ko takafilifili i lalo.
14A koutou ka pela me se ulo one tela e mafā likiliki kae tatela'tela valevale ona matifiga, seai eiloa se matifiga e tai lasi ke mafai ei o iko ki ei ne malala vela, io me asu aka i ei ne vai mai i se vaisameni.”
15A te Aliki Sili, te Atua tapu o Isalaelu, ne fai mai ki tino penei, “Foki mai kae talitonu mai ki a au, ko maua ei ne koutou te malosi mo te tokagamalie.” Ka ko koutou ne seki manako o fai te mea tena ne fai atu ei au!
16Ne mafaufau eiloa koutou ke tele koutou i luga i solofanua makini ke sao koutou mai i otou fili. E tonu eiloa koutou — a koutou e iku eiloa ki te tele ke sao koutou! A koutou e mafaufau pela i otou solofanua e ma'kini; ka ko latou kola e o'mai o afuli koutou e ma'kini atu!
17E tokoafe o koutou ka tele keatea manafai e lavea ne koutou se sotia tokotasi o te fili, kae e tokolima fua sotia o te fili e matea ne koutou ko koutou katoa eiloa ko tele keatea. E seai eiloa se tino io me se mea e toe i te kautau a koutou, na ko te lakau eiloa o te fuka a koutou tela e tu tokotasi i luga i te mauga!
18Kae tela la, a te Aliki e fakatalitali mai eiloa ke toe saga atu a ia mo te alofa ki a koutou. E toka eiloa a ia o fai faka'lei koutou me i a ia e fai mea tonu faeloa. Amutia latou kola e tuku katoatoa atu olotou loto ki te Aliki.
Te Atua ka Fakamanuia ne ia a Tino o Tena Fenua19A koutou kona e nofo i Ielusalema ka se toe tagi. A te Aliki e mata alofa, kafai e tagi atu koutou ki a ia mō se fesoasoani, kae ka tali mai a ia ki a koutou.
20A te Aliki ka fai ne ia koutou ke ui i loto i mea faigata, ka ko ia e fakatasi atu eiloa o akoako koutou, kae ka se fi'ta foki koutou o sala ki a ia.
21Kafai ko se te auala o koutou ki te feitu fakaatamai io me ko te feitu fakamaui, kae ka lagona ne koutou tena leo i otou tua e fai penei, “Tenei te auala. Tau'tali i ei.”
22Ka puke koutou ki otou tupua kola ne teuteu ki siliva, mo tupua a koutou kola ne teuteu ki aulo, kae ka pei keatea ne koutou pela me ne kaiga, kae kalaga koutou penei, “Ke galo atu koutou keatea!”
23I te taimi e toki ei otou lakau kaina, kae ka faka'to ne te Aliki te vaiua ko te mea ke ola otou lakau kaina, kae lasi te taukai, mo laukele moukua e uke mo kaikai otou pulumakau.
24A pulumakau mo asini kola e fakamalū a otou fatoaga ka kai ki meakai a manu tafasili i te lei.
25I te aso tela e fakatakavale ei ne koutou a olo o te fili, kae tamate valevale olotou tino, kae ka tafe mai te vai mai i mauga katoa.
26A te masina ka maina pela mo te la, ka ko te la ka fakafitu taimi te maina atu i lo taimi mua, e pela mo te maina o aso e fitu i te aso e tasi. Ka taunu katoa a mea kona i te taimi e fakalei ei ne te Aliki a pakiaga o tena fenua kola ne fai ne ia.
Asulia ka Fakasala ne te Atua27A te mana mo te malu o te Atua e mafai o lavea mai i se koga mao. A te afi mo te au e fakaasi ei tena kaitaua. Ka faipati a ia, ka ko ana muna e ka pela me se afi.
28E uga ne ia te matagi i ona mua e pela me se lofiaga tela e ave keatea ne ia a mea katoa. E 'ta fakapalele ne ia a malo, kae fakagata olotou aofaga masei.
29Ka ko koutou, te fenua o te Atua, ka fiafia kae usu pese e pela mo te mea e fai sale ne koutou i te afiafi o kaiga fakamanatu malu. Ka fiafia koutou pela eiloa mo te fiafia o tino kola e sasale ki te leo o faili, i te lotou auala ki te Faletapu o te Aliki, te puiga o Isalaelu.
30A tino katoa ka lagona ne latou te leo fakatupu o te Aliki, kae lagona foki ne latou te malosi o tena kaitaua. Ka ula te afi, pa kaumana, to vaiua fatu, kae 'to te vaiua lotu eiloa.
31A tino Asulia ka mataku manafai e lagona ne latou te leo o te Aliki mo te malosi o tena fakasalaga.
32I te taimi e fokifoki ei te Aliki o ta latou, ka ko tino o tena fenua e sasale eiloa o fakatau ki leo o tulamu mo kitala. Ko te Atua ka taua atu ki te kau Asulia.
33I aso mua e isi se koga ne fakatoka tela e sunu ei te tupu o Asulia i te afi lasi eiloa. Se koga e lauefa kae poko, kae fuatu eiloa i te fafie. A te Aliki ka manava mai ne ia te ulaga afi o fakaka ki ei a te afi tena.
Who We AreWhat We EelieveWhat We Do
2025 by iamachristian.org,Inc All rights reserved.