FAKAASIGA Fakatomuaga - Tuvalu Revised Bible
Fakatomuaga Te Fakaasiga ki a Ioane ne tusi i te vāitaimi ne fakasauagina ei a kelisiano, ona ko te olotou talitonuga ki te Aliki ko Iesu Keliso. A te Tusitala e fakataua ne ia, ke fakapatonu ki ana tino faitau, a te fakamalosiga o te olotou fakamoemoega, kae tauanau atu kia latou ke tumau, i te fakamaoni mo te loto mau, i taimi o puapuaga mo fakasauaga.Te lasiga o te tusi e aofia ei ne naai fakasologa o fakaasiga mo moemitiga, e fakaasi i gana fakatusa kola ne tau o malamalama ki ei a kelisiano o vaaitau kona, kae ka tumau o fai mo fekau se maina ei, a nisi tino. Kae e pela mo se fakavae o fatuga o se pese faigata, a fakavae o te tusi tenei e fakafokifoki mai i auala kesekese o fakaasiga. E ui eiloa i te uke o manatu kesekese mo te 'loto o fakamatalaga o te tusi, a te kogaloto o te manatu taua e maina faeloa: e auala mai i a Keliso te Aliki, a te Atua ka fakatakavale katoa ne i a ana fili, fakatasi mo Satani, kae ka taui ne i a ana tino fakatuanaki katoa ki fakamanuiaga o te lagi fou mo te lalolagi fou manafai ko katoatoa a te manumalo tenei.Ko Fakasologa o MataupuKo te Fakatomuaga (1.1-8)Ko Fakaasiga matea mo tusi ki Ekalesia e fitu (1.9—3.22)Ko te peluga o pepa mo fakailoga e fitu (4.1—8.1)Ko pu e fitu (8.2—11.19)Ko te talako mo manu fekai e lua (12.1—13.18)Ko fakaasiga kesekese (14.1—15.8)Ko poola e fitu o te kaitaua o te Atua (16.1-21)Ko te fakamaseiga o Papelonia, mo te takavale o te manu fekai, pelofeta se 'tonu, mo te Tiapolo (17.1—20.10)Ko te fakamasinoga fakaoti (20.11-15)Ko te lagi fou, te lalolagi fou, mo te Ielusalema fou (21.1—22.5)Ko te fakaotiga (22.6-21)
