1A te malo o Isalaelu ko malaia! A tena malu ko matafi atu keatea, e pela mo fou pulalakau i ulu o ona takitaki kola e ko'na faeloa. A ulu fakamatamata o latou e fakamanogi faka'lei, ka ko latou ko ta'kato fua i kona me ko oko eiloa i te ko'na.
2E isi se tagata mafi kae malosi tela ko oti ne fili ne te Aliki ke fano o 'ta latou; ka vau a ia tena pela me se vaiua fatu, pela me se vaiua 'lotu eiloa, pela me se lofiaga malosi eiloa tela ka ufitia ne ia a te fenua.
3A te fakamatamata o takitaki inu kava kona ka lakalakagina ki lalo ke se aoga.
4A te malu o takitaki fakamatamata kona ka matafi kae 'galo atu e pela mo fuagā mati muamua o te taukai kola e tau mai o kai i te taimi e sulu ei.
5Ka oko mai te aso e fai ei te Aliki Malosi pela me se kalauna pulalakau ki tino o tena fenua kola koi toe mai.
6Ka tuku atu ne ia te uiga fai mea tonu ki a latou kola e fai mo famasino, kae avatu te loto toa ki a latou kola e puipui ne latou a mataloa o te fa'kai mai i te fili.
Ko Isaia mo Pelofeta inu Kava o Iuta7Ke oko foki eiloa ki pelofeta mo faitaulaga ko oko eiloa i te ko'na, tela ko takasese valevale ei. Ko to uke olotou uaina mo kava ne inu, tela la, ko siga valevale me ko numi valevale olotou mafaufau. A pelofeta ko se malamalama i fakaasiga kola e aumai ne te Atua me ko to ko'na, pela foki a faitaulaga ko to ko'na ko se mafai ne latou o fa'kaiku a mataupu kola e aumai ki a latou.
8A taipola kola e nofo i ei latou ko fonu i luaga, e seai eiloa se koga ma e lavea atu.
9E muimui mai latou ki a au, olotou muna, “Se a te fakatau a te tino tena, ko oi ana tino e akoako? Ko oi te tino e manako ki fekau kona e fai mai ne ia? Ana mea kona e fai mai, e tau fua ki pepe kola fatoa vae mai i te susu!
10A ia e taumafai o fakaakoako tatou i mataimanu takitasi, i laina takitasi, mo mataupu takitasi.”
11 1Koli 14.21 Kafai e se fakalogo mai koutou ki a au, ko te Atua ka fakaaoga ne ia ne tino fakaatea kola e faipati ki gana fakaatea ke akoako ei koutou.
12Ne aumai ne ia te filemu mo te malologa lei ki a koutou katoa, ka ko koutou e se fia fakalogo ki a ia.
13Tena te pogai ka akoako ei koutou ne te Aliki i mataimanu takitasi, i laina takitasi, mo mataupu takitasi. Tena la, koutou ka 'siga valevale. Ka pa'kia koutou, ka lave i malei, kae ave fakapagota.
Ko te Fatu Tulimanu mō Siona14Koutou tagata fiasili konei e pule i tino konei i Ielusalema, fakalogo mai ki muna a te Aliki.
15Ne fai otou muna fakamatamata me e isi se feagaiga ko oti ne fai ne koutou mo te mate, se feagaiga mo te lalolagi o tino mate. E talitonu koutou i a koutou e sao manafai e oko mai te fakalavelave, me i a koutou e fakalagolago ki muna loi mo muna fai togafiti ke sao ei koutou.
16Sala 118.22,23; Loma 9.33; 10.11; 1Pete 2.6Konei la a muna a te Aliki Sili: “Ko fakatakato nei ne au i Siona se fakavae mautakitaki kae malosi. E isi se fatu tulimanu makeke ka tuku ne au i kona, kae e tusi i ei a pati konei, ‘A te fakatuanaki tela e mautakitaki, e nofo foki i ei a te loto kufaki.’
17A te fai mea tonu ko te fua uka o te fakavae, ka ko te fakamaoni ko te fua fakatautau tena.”
A te vaiua fatu ka fulu fakama ne ia a loi katoa kola e fakalagolago koutou ki ei, ka ko lofiaga ka ofa ei te tulaga manuia o koutou.
18A te feagaiga a koutou ne fai mo te mate ka solo, pela foki te feagaiga a koutou mo te lalolagi o tino mate ka seai. Kafai ko oko mai te malaia, a koutou e malaia katoa i ei.
19Ka oko atu ki a koutou, e fokifoki atu faeloa, i taeao takitasi e oko atu faeloa. A koutou e nofo faeloa o tali a puapuaga kona i ao mo po takitasi. A fekau fou mai i te Atua e aumai faeloa i ei te fakamataku fou!
20Ka pela koutou mo te tagata i te fataoto, tela e taumafai o moe i te moega ko to toetoe mo ia, kae kafu ki te pulagiketi tela e se lauefa, e se soko ei a tena foitino.
212Samu 5.20; 1NTupu 14.11; Iosu 10.10-12A te Aliki ka taua atu e pela mo tena mea ne fai i te Mauga o Pelesima pela foki i te Vanu o Kipeona, ko te mea ke fakataunu ne ia a te mea ne mafaufau a ia o fai — e se mafai o iloa ne tatou ana mea e fai. Ka fai eiloa ne ia ke oti a tena galuega, se galuega e se malamalama tatou i ei.
22Sa kata ki muna polopoloki konei e fai atu ne au! Kafai e kata koutou, kae na gasolo ake eiloa o faigata te sao o koutou. Ko oti ne lagona ne au te ikuga a te Aliki Malosi ke fakamalaia te fenua kātoa.
Ko te Poto o te Atua23Fakalogo mai ki aku muna konei e fai atu; saga mai ki aku pati konei e fai atu.
24E seai se tagata toki lakau e nofo faeloa o faka'malu ana laukele o fakatoka mō te taimi e toki ei.
25Kafai ko oti ne fakatoka ne ia a te laukele, ke toki ei ne ia a fuaga o lakau kaina pela mo te tili mo te kumina. E toki ne ia a laina saito mo kalite, kae i feitu o ana fatoaga e toki foki ne ia a nisi lakau kaina.
26E iloa ne ia o fai ana galuega me i a ia ko oti ne akoako ne te Atua.
27E se mafai o fakaaoga ne ia se lakau mafa o tuki ki ei a fuaga o tili mo fuaga o kumina; e fakaaoga ne ia a lakau mama kola e 'tau lei.
28E se mafai o masei a saito manafai e solo ne ia. E iloa ne ia o fakaaoga fakalei te ka o solo ki ei a saito, kae se masei eiloa i ei a fuaga saito.
29A te poto tena ne vau mai i te Aliki Malosi. A fuafuaga e fai ne te Atua ne fuafuaga poto, kae e taunu manuia faeloa!
Who We AreWhat We EelieveWhat We Do
2025 by iamachristian.org,Inc All rights reserved.
