1 KOLINITO 6 - Tuvalu Revised Bible

Ko Kelisiano ko 'Moli ne Nisi Kelisiano ki te Fono Tulafono

1Kafai e kinau koe mo te sua kelisiano, e pefea eiloa o fano koe ke fakamasino ne te famasino se kelisiano tau mataupu, kae se aumai ke teuteu fua ne Kelisiano.

2E se iloa ne koutou i Kelisiano ka fakamasino ne latou a te lalolagi i se aso? Ko 'lei la, kafai ko maua ne koutou o fakamasino a te lalolagi, ko maua foki ne koutou o fakamasino mea fo'liki.

3E 'tau o iloa ne koutou me ka fakamasino ne tatou a agelu. Ko tona uiga, ko mafai nei ne tatou o fakamasino a mea o te lalolagi nei.

4Kafai la e 'tupu ake ne mea pena, ai a la e ave ei ne koutou ke fakatoka faka'lei ne tino kola e se ne Kelisiano i te Ekalesia?

5Ko faipati atu au penei ke masiasi koutou. E tonu, e isi eiloa se tino poto i a koutou tela ka mafai ne ia o faka'lei te kinauga i va o Kelisiano!

6Kae ne seki fai ne koutou pena, i te mea ne ave otou tagi ke fakamasino i mua o tino se kelisiano.

7Se mea tonu eiloa me i otou fakakinauga ne fakakinauga faka te tulafono, e fakaasi mai ei i a koutou e se ne Kelisiano ko katoatoa. E a, e masei manafai e fakapuapuagatia koutou? E a, e masei foki manafai e kaisoagina otou mea?

8A koutou na, e fakatau faka'se a koutou i a koutou eiloa, e fakatau kaisoa foki i a koutou eiloa, kae ne fai foki eiloa ne koutou ki otou taina kelisiano.

9Ko iloa ne koutou me i Kelisiano kola e fai ne latou amioga konei, e se mafai o talia ne latou te Atua ke fai mo olotou tupu. Sa fakavale'vale koutou. A latou kola e amio masei; io me kola e tapuaki ki tupua, io me kola e mulilua, io me kola e amio fakasotoma,

10io me kola e faomea, io me kola e kaiu, io me kola e ko'na sale, io me kola e fatufatu tino, io me kola e ofa tulafono; e seai eiloa se tino o latou e talia ne ia te Atua ke fai mo olotou tupu.

11E isi ne tino i a koutou ne amio pena, ka ko oti koutou ne faka'ma mai otou agasala. Ko oti foki ne fakatapu koutou mo te Atua, ko oti foki ne fakalei koutou mō te Atua e alatu i te igoa o te Aliki ko Iesu Keliso mo te Agaga o te tou Atua.

Ke Fakaaoga Otou Foitino mo te Vikiga o te Atua

12 1Koli 10.23 Ka muna ake pela se tino, “Au e saoloto o fai so se mea.” E tonu, kae se ko mea katoa e 'lei ki a koe. E faigofie fua i so se tino o koutou o fai ake penei, “Au e saoloto o fai so se mea,” kae fai atu au ki a koe mo a eiloa e fakapologa koe ne mea kona.

13Ka tonu, me ka toe fai ake penei te isi tino, “A meakai ne fai mo te tinae, ka ko te tinae ne fai mo meakai.” E tonu, ka ko te Atua ka fai ne ia a te gataga o mea kona e lua. A te foitino o te tino, e seki faite mō fai amioga masei, kae ne faite mo fai vikiga o te Aliki. E pena foki te Aliki, ne tuku mai mo fai vikiga o te foitino.

14Ne fakatuake ne te Atua a te Aliki mai te mate, kae ka faka'tuake foki ne ia tatou i tona mana.

15E iloa ne koutou i otou foitino ne vaega o te foitino o Keliso. E a, e 'kave ne au a vaega o te foitino o Keliso ke fai mo vaega o te foitino o te fafine fina tagata? E se mafai!

16Galu 2.24E se iloa ne koutou i te tagata tela ko 'moe tasi mo te fafine fina tagata, ko fai laua mo foitino e tasi i te feitu faka te foitino? Ne fakaasi mai ne te Tusi, “Ka fai a laua mo foitino e tasi.”

17Ka ko te tino tela e 'piki ki te Aliki, ko fai laua mo tino e tasi i te feitu faka te Agaga.

18Fakagata te fina lalolagi. A nisi agasala ake kola e fai ne se tino, e se masei ei a tona foitino; ka ko te tino e fina lalolagi, e agasala ki tona foitino.

191Koli 3.16; 2Koli 6.16E se iloa ne koutou i otou foitino, ko te fale tapu o te Agaga Tapu? A te Agaga Tapu e nofo i loto i a koutou, ko te Agaga tela ne avatu ne te Atua ki a koutou. A koutou e se mō koutou ake eiloa, kae mō te Atua.

20Ne fakasaoloto ne ia koutou mai te agasala i tona mate. Tela la, fakaaoga otou foitino mō te vikiga o te Atua.