SALAMO 121 - Tuvalu Revised Bible

A te Aliki te 'Tou Puipuiga

1E kilo ake oku mata ki mauga;

E a, e maua mai fea toku fesoasoani?

2E maua toku fesoasoani mai te Aliki,

Tela ne faite ne ia te lagi mo te lalolagi.

3Ka se tuku ne ia koe ke siga;

i tou tausi e mataalaala faeloa.

4A te leoleo o Isalaelu

E se ti moe.

5Ka tausi koe ne te Aliki;

E pili faeloa a ia ki ou tafa o puipui a koe.

6Ka se fita koe i te vela o te la i te ao.

E pena foki te masina i te po.

7A te Aliki ka pui ne ia koe mai i mea faiga'ta katoa;

Ka tausi faka'lei ne ia koe ke malu 'lei.

8Ka tausi ne ia koe i tou vau mo tou fano,

Nei ke oko eiloa ki te se gata mai.