SALAMO 74 - Tuvalu Revised Bible

Ko te Talo mo te Fakaolaga o te Atufenua

1Te Atua, ai a ko tiaki mai ei matou ne koe penei?

E a, ka ita eiloa koe ki ou tino tonu ki te se gata mai?

2Ke manatua ne koe ou tino ne filifili ne koe mo fai ou tino i aso mua eiloa,

Kola ne fakasao ne koe mai te fakapologa ke fai mo ou matakaiga.

Ke manatua foki ne koe a te Mauga o Siona,

Tela ne nofo ei koe.

3Sasale aka i luga i mea konei ne fakamasei valevale;

Ko omotou fili ne fakama'sei ne latou mea katoa i loto i te Faletapu.

4Ko latou foki kona ko kalaga manumalo i loto i tou Faletapu;

Ko oti ne sisi olotou fuka i ei o fakailoga te lotou manumalo.

5E pela latou me ne tagata tua lakau,

E sele lakau ki takū lasi.

6Ne ofa foki ne latou a laupapa fakagaligali ki olotou takū mo samala lasi.

7Ne fakamalepe kae faka'ka ne latou tou Faletapu;

Ne soli foki ne latou te koga e tapuaki ei tino ki a koe.

8Ne ma'nako latou o 'ta fakapalele matou;

Ne 'sunu ne latou koga tapu katoa i te fenua.

9Ko 'galo atu katoa a fakamailoga tapu a matou;

Ko seai ne pelofeta e 'toe,

Kae seai foki se tino e iloa ne ia me oti afea a te fakalavelave tenei.

10Te Atua, e gata afea te 'kata fakatauemu o omotou fili ki a koe?

E a, ka muna masei latou ki tou igoa ki te se gata mai?

11Ai a ko ita ei koe ma fesoasoani mai ki a matou?

Ai a ko se fakamafola mai ei ou lima ki a matou?

12Ka ko koe te Atua, ko oti ne fai koe mo omotou tupu mai te kamataga;

Ko oti ne fakasao ne koe matou i taimi e uke.

13 ke palapala,

Kae tuku ne koe tena foitino ke kai ne manu o te toafa.

15Ne faka'tafe ne koe a vaipuna;

Ne fai foki ne koe a vaitafe 'lasi ke masa pakupaku.

16Ne fai ne koe a te ao mo te po;

Ne faka'tu foki ne koe te la mo te masina ki la tulaga;

17Ko oti ne fakatuakoi ne koe a tuakoi o te lalolagi;

Ne fai foki ne koe te tau 'vela mo te tau 'moko.

18Te Aliki, kae ke manatua ne koe i ou fili e 'kata fakatauemu ki a koe,

A latou ne tino fapaupau kae se fia'fia ki a koe.

19Sa tiakina ne koe ou tino fakaalofa ki olotou fili sāuā;

Sa puli foki i a koe ou tino ko fakasauagina!

20Ke manatua te feagaiga ne fai ne koe mo matou.

E isi a fakasauaga i feitu pouli katoa o te fenua.

21Sa fakamasiasigina latou kola e vaivai;

Kae ke 'viki atu ki a koe tino ma'tiva mo tino fakaalofa.

22Te Atua, tu ake ki luga o fakaasi tou fakamoemoega!

Ke masaua i tino se amio atua e kata fakatauemu ki a koe i aso katoa.

23Sa puli i a koe ou fili kola e kalaga mo te kaitaua,

Kola e fakalogoa sale.