1I te otiga o mea katoa kona ne fai ne te Tupu ko Hesekia, e tavini fakamaoni atu ei a ia ki te Aliki, kae vau mo Sanelivi, te tupu o Asulia, o taua mai ki Iuta. Ne nikoi ne ia a fa'kai fakaola o Iuta, kae fai atu mo tena fakatonuga ki tena kautau ke ofa a pui ke to latou ki loto i fa'kai.
2I te iloaga ne Hesekia i a Sanelivi e mafaufau foki o taua mai ki Ielusalema,
3-4tena ne taumafai ei a ia mo ana ofisa o pono te alavai i tua o te fa'kai, ko te mea ke seai ne vai e maua ne te kau Asulia manafai ko pili atu latou ki Ielusalema. Ne taki atu ne ofisa a tino e tokouke ki tua o te fa'kai, o fakagata te tafe o vaitafe foliki, ko te mea ke se toe ai ne vai e tafe mai i ei.
5Ne fakamalosia ne te tupu a pui o te fa'kai o toe faite; ne faite foki ne ia a taoa i luga i ei, kae faite foki ne ia a te pui tua. Ne toe faite aka foki ne ia a koga kola ne pui ke malosi i te laukele tela ne fakalaugatasi i te feitu ki te saegala o te koga mua o Ielusalema. E uke foki a fao mo talita ne fakatonu ne ia ke faite.
6Ne tuku atu ne ia a tagata i te fa'kai ke pule ne takitaki o kautau, kae fakatonu atu a ia ki a latou ke maopoopo katoa i te malae i tafa o te mataloa o te fa'kai. Muna a ia ki a latou,
7“Ke toa otou loto, kae taumafai, kae sa mataku i te tupu o Asulia mo tena kautau. E lasi atu te malosi tenei i te tou feitu i lo te malosi o latou.
8A te malosi o latou ko te malosi fua faka‐te‐lalolagi, ka ko tatou, ko te Aliki te tou Atua e fesoasoani o taua mo tatou.” Ne malosi a loto o tino i muna kona a te tupu.
9I se taimi fakamuli ifo, koi nofo ei a Sanelivi mo tena kautau i Lakisa, ne avatu ei tena fekau ki a Hesekia mo tino o Iuta kola e nofo tasi mo ia i Ielusalema. E penei te fekau:
10“Ko au ko Sanelivi, te Tupu o Asulia; ko fesili atu au me se a te pogai e se mataku ei koutou, o nofo eiloa i Ielusalema i te taimi tenei ko mafaufau ei matou o puke koutou.
11A Hesekia ne fai atu ki a koutou me ko te Aliki te otou Atua ka fakasao ne ia koutou mai i te motou malosi; a koutou ko fakaloiloi ne Hesekia, ka mate fua koutou i te fia'kai mo te fiainu.
12Ko ia ne ofa ne ia a koga tapuaki mo fata-fai-taulaga a te Aliki, kae fai ki tino o Iuta mo Ielusalema ke tapuaki kae sunu mea manogi i te fata-fai-taulaga e tasi.
13E se iloa ne koutou te mea ne fai ne oku tupuga, pela foki mo au, ki nisi malo? E a, ne fakasao a malo kona ne atua o latou mai i te tupu o Asulia?
14Ko afea eiloa ne fakasao ei a malo kona ne olotou atua mai a matou? Se a la te mea e talitonu fua ei koutou me e mafai ne te atua o koutou o fakasao koutou?
15Kiloke, ke mo a koutou e faka'segina otou manatu ne Hesekia. Sa talitonu ki a ia! E seai eiloa se malo kai fakasao ne tena atua mai i te malosi o te tupu o Asulia. Tela la, e se mafai eiloa ne te Atua o koutou o fakasao koutou!”
16E uke aka foki a muna masei a ofisa Asulia ne fai e uiga ki te Aliki te Atua, pela foki ki tena tavini ko Hesekia.
17A te tusi tena a te tupu o Asulia, ne tusi i ei a muna e fakaseaoga ei te Aliki te Atua o Isalaelu. Fai mai te tusi tena, “E seai eiloa se atua kai fakasao ne ia a tino o tena malo mai i toku malosi. E se mafai foki eiloa ne te atua o Hesekia o fakasao tena fenua mai i a au.”
18Ne valo atu ne ofisa Asulia a muna kona i te gana Epelu, ke mataku kae loto vaivai ei a tino Ielusalema kola e nofo mai i luga i te pui, ko te mea ke puke gofie a te fa'kai.
19E fai olotou pati ki te Atua o Ielusalema, e pela eiloa mo muna a latou e fai ki atua o nisi malo kola ne tupua fua ne faite ne tino.
20Tena la, ne talo atu ei a te Tupu ko Hesekia mo te pelofeta ko Isaia, te tama tagata a Amota, ki te Atua, kae kalaga atu ki a ia mō se fesoasoani.
21Ne uga mai ne te Aliki a te agelu tela ne tamate ne ia a sotia mo ofisa o te kautau a Asulia. Tena la, ne foki atu ei a te tupu o Asulia ki Asulia mo te masiasi. I te aso e tasi, i te taimi ne nofo ei a ia i loto i te faletapu o tena atua, ne tamate ei a ia ne nisi o ana tama tagata ki olotou pelu.
22I te faiga tena, ne fakasao ei ne te Aliki a te Tupu ko Hesekia mo tino Ielusalema mai i te malosi o Sanelivi, te tupu o Asulia, pela foki mai i nisi fili o latou. Ne fai ne ia a tino o tena fenua ke filemu te va o latou mo malo e tuakoi ki a latou.
23E tokouke a tino ne o'mai ki Ielusalema, o aumai olotou taulaga ki te Aliki, pela foki olotou meaalofa ki a Hesekia. Tela la, mai i te taimi tena, ne fakaaloalogina ei a Hesekia ne malo katoa.
Ko te Masaki o Hesekia(2Tupu 20.1-3; 12—19; Isa 38.1-3; 39.1-8)24I te vaitaimi tenei, ne masaki te Tupu ko Hesekia, toe itiiti eiloa kae mate. Ne talo atu a ia ki te Aliki, kae ne fakaasi mai ne te Aliki se fakailoga ki a ia me ka lei tena masaki.
25Ka ko Hesekia ko to fiasili, tena ne seki fakaasi tena fakafetai e uiga ki mea lei ne fai ne te Aliki mō ia, tena ne iku ei ki te puapuaga o Iuta mo Ielusalema.
26Fakamuli ifo, ne toe fakamalalo Hesekia mo tino o Ielusalema, tena ne seki fakasala ei a tino ne te Aliki i aso koi ola ei a Hesekia. Ne fatoa fakasala ne ia i te otiga ne mate atu a Hesekia.
Ko te Maumea o Hesekia27Ne gasolo eiloa te Tupu ko Hesekia o maumea malosi, tela la, ko oko eiloa a ia i te fakaaloalogina ne tino. E isi ne potu teu koloa ne fakatonu ne ia ke faite, mo teu ana aulo, siliva, fatu taua, mea manogi, talita, mo nisi mea taua ake foki.
28Ne faite foki ne ia a fale e teu ei ana saito, uaina, mo sinu olive; ne faite foki ne ia a sai mo ana pulumakau, pela foki ana mamoe.
29E se gata i mea kona, ne aumai foki ne te Atua a mamoe mo pulumakau mo nisi koloa valevale, tena ne faite ei ne ia a fa'kai e uke.
30Ko te Tupu ko Hesekia ne pono ne ia a te mata o te Vaitafe foliki ko Kaiona, kae fai ne ia a te vai ke tafe i te ana i lalo o te laukele, o fano ki se kogā koga i loto i pui o Ielusalema Ne manuia Hesekia i ana mea katoa ne fai,
31kae e ui foki eiloa i te o'maiga o sui o Papelonia o sukesuke a te mea ne tupu i te fenua ka ko te Atua ne tuku eiloa ne ia a Hesekia ke fai te mea e loto a ia ki ei, ko te mea ke tofotofo ei a tena uiga.
Ko te Gataga o te Nofoaiga a Hesekia(2Tupu 20.20-21)32A nisi tala e uiga ki mea a te Tupu ko Hesekia ne fai, e pela foki mo tena tavini atu ki te Aliki, e fakamau i te tusi ko Te Fakaasiga ki te Pelofeta ko Isaia, te Tama Tagata a Amota, mo te tusi ko Te Tala Tukufakasolo o Tupu o Iuta mo Isalaelu
33Ne mate atu Hesekia, kae ne tanu i te feitu ki luga o tanuga o tupu. A tino katoa o Iuta mo Ielusalema ne olo o fakaasi te lotou loto fakaaloalo ki a ia, i te taimi ne mate ei a ia. Ne sui a ia ne tena tama tagata ko Manase o fai mo tupu.
Who We AreWhat We EelieveWhat We Do
2025 by iamachristian.org,Inc All rights reserved.
