1A te Aliki ne fili ne ia a Kulesa ke fai mo tupu!
Ne filifili ne te Aliki a Kulesa ke fakatakavale ne ia a malo;
Ne uga ne te Aliki a ia tena ke fakatakavale ne ia a tupu;
Ko te Aliki ka tala ne ia a mataloa o fa'kai ki a ia tena.
Muna a te Aliki ki a Kulesa,
2“Ko au ka fakatoka ne au tou auala,
Ka fakalaugatasi ne au a mauga.
Ka ofa ne au a mataloa o palesi
Kae ofa olotou loka fiti.
3Ka avatu ne au a koloa mai i koga pouli,
Mo koga funa;
Ka iloa ei ne koe i a au ko te Aliki,
Ko te Atua o Isalaelu ne kalaga ne ia koe i tou igoa.
4Ne fili ne au a koe ke fesoasoani ki taku tavini ko Isalaelu,
Ko te fenua ne filifili ne au.
Ko oti ne avatu ne au te tulaga maluga,
E ui eiloa e se iloa ne koe a au.
5“Au ko te Aliki; e seai aka foki eiloa se atua i oku tafa.
Ka avatu ne au te malosi e manako koe ki ei,
E ui eiloa e se iloa ne koe a au.
6E fai ne au a te mea nei ko te mea ke iloa ne tino katoa,
Mai i te sua feitu o te lalolagi ki te sua feitu,
i a au ko te Aliki,
Kae e seai aka foki se atua i oku tafa.
7Ne faite ne au te mainaga mo te pouliga;
E aumai ne au te fakamanuiaga pela foki a mala.
Ko au, te Aliki, e fai ne au a mea katoa kona.
8Ka aumai ne au te manumalo mai i te lagi pela me se vaiua;
A te lalolagi ka tali ne ia,
Kae ka maua ei te saolotoga mo te fai mea tonu.
Ko au, te Aliki, ka fakataunu ne au a te mea tena.”
Te Aliki ko te Pogai o Mea Katoa9 ka puke ma koe;
A tagata loa o Sepa ka fai mo au pologa;
Ka tautali atu i a koe, mo olotou vae e saisai ki seni.
Ka ifo atu latou ki a koe kae fai atu penei,
‘A te Atua e fakatasi atu ki a koe,
Ko ia tokotasi ko te Atua.
15A te Atua o Isalaelu, tela e fakasao ne ia a tino o tena fenua,
Se Atua tela e se lavea.
16A latou kola e faite tupua ka fakamasiasigina;
Ka fakamasiasigina katoa eiloa.
17Ka ko Isalaelu ne fakasao ne te Aliki,
A tena manumalo ka tumau ki te se gata mai;
A tino Isalaelu ka se mafai eiloa o fakamasiasigina.’ ”
18Ko te Aliki ne faite ne ia a lagi —
Ko ia ko te Atua e tokotasi!
Ne faite ne ia a te lalolagi,
Kae fakamautakitaki ne ia ke tumau ki te se gata mai.
Ne seki faite ne ia ke fai mo koga se aoga,
Kae ke fai mo koga e nofo ei a tino.
Ko ia ne fai ake penei, “Ko au ko te Aliki,
E seai ake foki se atua i oku tafa.
19Au ne seki faipati funa
io me funa te mea tela e fakamoemoe au ki ei.
Au e se manako ke sala au ne tino Isalaelu i se koga masei.
Au ko te Aliki, au e faipati ki te mea tonu;
E fakaasi atu ne au a te mea tonu.”
Ko te Aliki o te Lalolagi, mo Tupua o Papelonia20Muna a te Aliki,
“Maopoopo mai koutou tino o malo,
Tino kola ne sao mai i te takavalega o te malo;
O'mai ki te fono ke fai se fakamasinoga!
Tino kola e poleni mo olotou tupua lakau,
Kae talo ki atua kola e se mafai o fakasao latou,
A tino kona e seai se lotou mea e iloa!
21O'mai o aumai te otou tagi ki te fono;
Ka ko tino kola e tu ki ei te tagi ke filifili fakatasi aka latou.
Ko oi ne valo ne ia a te mea tenei ka tupu?
E a, e se ko au, te Aliki te Atua,
Tela ne fakasao ne au toku fenua?
E seai ake foki eiloa se Atua.
22“Koutou tino katoa i te lalolagi,
Toe fuli mai nei ki a au,
Ko te mea ke fakasao ne au koutou!
Ko au eiloa tokotasi ko te Atua.
23 Loma 14.11; Fili 2.10,11 A taku tautoga e tonu,
Kae ka se mafai o fuli.
Au e tauto fakamaoni eiloa:
A tino katoa ka o'mai o totuli i oku mua
Kae tauto i a latou ka tumau te lotou fakamaoni mai ki a au.
24“Ka fai ake latou pela me ko au fua e
Mafai o maua ei te manumalo mo te malosi;
Ka ko latou kola e ita ki a au ka fakamasiasigina.
25Ko au te Aliki, ka fakasao ne au a tino katoa i te gafa o Iakopo,
Tena la, ka vikia ei ne latou a au.
Who We AreWhat We EelieveWhat We Do
2025 by iamachristian.org,Inc All rights reserved.
