1I te tolusefulu ono o tausaga o te nofoaiga a te Tupu o Iuta ko Asa, kae vau te Tupu o Isalaelu ko Paasa o taua ki Iuta. Ne fakamalosi ne ia a te fa'kai o Lama, ko te mea ke pono ne ia a auala ki loto i Iuta, pela foki auala ki tua o Iuta.
2Tena la, ne puke mai ne Asa a siliva mo aulo mai i koloa o te Faletapu mo te palesi, kae ave ne ia ki te Tupu o Sulia ko Peniata, i Tamaseko, mo te fekau tenei:
3“E talia ne koe ke taugasoa taua, e pela eiloa mo tamana o taua. A te siliva mo te aulo tenei, se meaalofa ki a koe. Ofa te lua feagaiga mo te Tupu o Isalaelu ko Paasa, ko te mea ke olo keatea mai i toku laukele.”
4Ne loto Peniata ki te mea ne fai mai ne Asa, uga ei ne ia ana ofisa pule mo olotou kautau o taua atu ki fa'kai o Isalaelu. Ne fakatakavale ne latou a fa'kai konei: Itioni, Tanu, Apelu Peta Maaka, mo fa'kai katoa o Nafatali kola e teu i ei a meakai.
5I te logoga o te Tupu ko Paasa i te mea tena ne tupu, fakagata ei ne ia a te fakamalosiga o te fa'kai ko Lama, tena, tiaki ei ne ia.
6Tena, ne fakamaopoopo ne te Tupu ko Asa a tagata mai i Iuta, kae fakatonu ne ia ke tali a fatu mo laupapa kola ne fakaaoga ne Paasa i Lama, o ave ke fakaaoga mo fakamalosi a fa'kai o Kepa mo Mesepa.
Ko te Pelofeta ko Hanani7I te taimi tena, ne fanatu te pelofeta ko Hanani ki te Tupu ko Asa, kae fai atu penei, “Ona ko koe ne fakalagolago ki te tupu o Sulia kae se ki te Aliki tou Atua, tena la, ko sao ei a te tupu o Isalaelu mai i ou lima.
8Masaua ne koutou a kautau lasi eiloa a Sutana mo Lipia, mo olotou kaliota e uke, mo tagata i solofanua e tokouke? Ne manumalo koutou i a latou, me i a koutou ne fakalagolago ki te Aliki.
9A te Aliki e onoono faka'lei eiloa ki te lalolagi; e ave ne ia a te malosi ki tino kola e fakamaoni ki a ia. Ko oko eiloa i te se 'lei o te otou mea ne fai, tela la, mai i te taimi tenei, a koutou ka taua faeloa mo otou fili.”
10Ne kaitaua a Asa ki te pelofeta, saisai ei ne ia ki filifili. Mai i te taimi tena, ne kamata ei Asa o se fai faka'lei ne ia a nisi tino.
Ko Gata te Nofoaiga a Asa(1Tupu 15.23-24)11A tala katoa o Asa, mai i te kamataga o tena nofoaiga ke oko ki te fakaotiga, e fakamau, i te tusi, Te Tala Tukufakasolo o Tupu o Iuta mo Isalaelu.
12I te tolusefulu iva o tausaga o te nofoaiga a Asa, ne 'mate ona vae, se maua ne ia o sasale; kae e ui eiloa i te tulaga tena, ne seki fuli atu a ia ki te Aliki mō se fesoasoani, kae ne fano fua ki tokita.
13E lua tausaga mai tua ifo, kae mate a Asa,
14kae ne tanu i tanuga kaupapa tela ne talai eiloa ne ia mō ia, i te Fa'kai o Tavita. Ne fakaaoga ne latou a mea fakamanogi, mo sausau, o milimili ei tena foitino, e fakatoka ei a ia mō te tanuga. Ne fai ne latou se afi lasi, kae 'tagi fanoanoa i tena mate.
Who We AreWhat We EelieveWhat We Do
2025 by iamachristian.org,Inc All rights reserved.
