SALAMO 60 - Tuvalu Revised Bible

Te Talo ke Fakasaoloto(Sala 108.6-11)

1Te Atua, ne 'teke kae fakatakavale ne koe a matou,

Ko oti koe ne kaitaua ki a matou, kae nei, a koe ke toe saga mai ki a matou.

2Ko oti ne fakagalulu kae faka'ma'fa'fa ne koe te laukele;

Nei ke faka'lei ake ne koe ona pakiaga,

Me ko tatelatela!

3Ko oti ne fakafi'ta ne koe ou tino i puapuaga e uke;

Ne takatipa'tipa matou e pela me ne tino ko'na.

4Ko oti ne fakailoa atu ne koe ki tino kola e ma'taku ki a koe,

Ko te mea ke 'sao latou mai te malaia.

5Fakasao matou i tou malosi,

Kae tali mai ki te motou 'talo,

Ko te mea ke sao a tino kola e alofa koe ki ei!

6Mai i tena faletapuaki; Ne faipati mai te Atua i tena fale tapuaki,

“Ko toku manumalo ka vaevae ei ne au Sekema,

Kae tufatufa atu ne au te Vanu o Sukota ki oku tino.

7E oku a Kileata, mo Manase foki; Efalaima ko toku puloutau,

Ka ko Iuta ko toku tokotoko fakatupu;

8Ka fai ne au a Moapi mo aku tanoa 'fano,

Ka ko koe Etoma e fai koe mo aku pokisi teu taka,

Ko te failoga tena me e pule au i ei.

E a, e manatu Filisitia i a ia e kalaga fiafia i tena manumalo i a au?”

9Te Atua, ko oi ka ave ne ia au ki te fa'kai e pui faka'lei ki olo?

Ko oi ka takitaki ne ia au ki Etoma?

10E a, ne tiaki tonu eiloa ne koe matou?

E se vau koe o olo tasi mo te motou kautau?

11Te Aliki, fesoasoani ki a matou o taua mo omotou fili,

Me se aoga lele se fesoasoani mai i tino ola!

12E manumalo matou manafai e kau te Atua i a matou;

Ka fakatakavale ne ia omotou fili.